કવિતા - કોરોના

- ડો. રતિલાલ પુ પટેલ Wednesday 17th November 2021 02:56 EST
 

કોરોના વાઈરસે આખી દુનિયાને હચમચાવી નાખી
ચીનાઓએ ના ખાવાનું ખાઈને માનવજાતને હેરાન કરી
વાઈરસ તો ઘણી જાતના થયાં ને પેન્ડેમિક આદર્યા
કોરોનાએ તો ઘણી ઉથલપાથલ કરી યમરાજાને નોતર્યા
એનો કહેર ક્યાં સુધી ચાલશે તે કોઈ કહી શકતું નથી
જાતબદલો (mutation) કરીને જોર વધાર્યે રાખે છે
શરદી, ખાંસી, ગળા - શરીરનો દુઃખાવો, ફેફ્સાંને ય પકડે
ચેપી રોગને નાથવા લોકડાઉનને માસ્ક વાપરીને બચો
એકબીજા વચ્ચે અંતર વધારો, ટોળાશાહીને ત્યજો
હાથ ઘણીવાર ધુઓ, શાકભાજી - ફલ બરાબર ધોવાં
હાથ મિલાવવાને બદલે બે હાથ જોડી નમસ્કાર કરો
આઈસીયુમાં તમે દર્દીને મળી ન શકો
બચી જાવ તો ઘરે સગાંવહાલાને માસ્ક પહેરી મળી શકો
નવા વાઈરસથી માણસ – પશુ - પક્ષીને ભગવાન બચાવે
પર્યાવરણ અને પ્રદૂષણ સુધારી દુનિયાને બચાવો  

(વડોદરા ખાતે રહેતા ડો. રતિલાલ પુ. પટેલ ૯૧ વર્ષથી વધુ વયના છે. આ ઉંમરે પણ ગુજરાતી લેખનમાં તેમના અક્ષરો ખૂબ સરસ છે. સ્કૂલકાળમાં શ્રેષ્ઠ અક્ષરોની સ્પર્ધામાં તેમને 'ગાંધીજીની આત્મકથા'ની નકલ ઈનામરૂપે મળી હતી.)    
   


comments powered by Disqus



to the free, weekly Gujarat Samachar email newsletter