અમેરિકામાં ૧૩.૫ બિલિયન ડોલરની ગન ઈન્ડસ્ટ્રીઃ જંગી ચૂંટણી ફંડ આપે છે

Saturday 31st March 2018 09:51 EDT
 
 

વોશિંગ્ટનઃ અમેરિકામાં શૂટિંગ થાય ત્યારે ગન કંટ્રોલની તરફેણમાં જોરદાર અવાજ ઉઠે છે, પરંતુ ક્યારેય કોઇ નક્કર પગલાં લેવાતા નથી. અમેરિકામાં શસ્ત્રોનું ઉત્પાદન કરતી કંપનીઓ એટલી મજબૂત છે કે, તેઓ એકસંપ થઇને અમેરિકાના રાજકારણને પણ પ્રભાવિત કરી શકે છે. અમેરિકન ગન ઇન્ડસ્ટ્રી દર વર્ષે ૧.૫ બિલિયન ડોલરનો ચોખ્ખો નફો ઘરભેગો કરે છે અમેરિકાના રિપબ્લિકન અને ડેમોક્રેટિક એ બંને પક્ષને ગન લોબી જંગી ભંડોળ પૂરું પાડે છે.
ગન ઈન્ડસ્ટ્રી વર્ષે ૧૩.૫ બિલિયન ડોલરની બંદૂકોનું ઉત્પાદન કરે છે. આ બંદૂકોમાં એસોલ્ટ રાયફલથી માંડીને પિસ્તોલ, રિવોલ્વર અને શોટ ગનનો સમાવેશ થાય છે. આ પ્રકારના શસ્ત્રોની બુલેટનું પણ જંગી ઉત્પાદન થાય છે. અમેરિકન નાગરિક ઇચ્છે એટલી બંદૂકો ખરીદી શકે છે. આ કાયદાનો ગન લોબી છેલ્લાં અનેક દાયકાથી ભારે ફાયદો ઉઠાવી રહી છે.

વસ્તી કરતાં બંદૂક વધુ

અત્યારે અમેરિકામાં વિશ્વના કોઇ પણ દેશ કરતા વધુ બંદૂકો છે તેનું કારણ તેના હળવા કાયદા છે. અમેરિકાની વસતી ૩૧.૭૦ કરોડ છે, પરંતુ બંદૂકોની સંખ્યા ૩૫.૭૦ કરોડ છે. આ આંકડા જ દર્શાવે છે કે સ્થિતિ કેટલી ભયાવહ છે.


comments powered by Disqus


to the free, weekly Gujarat Samachar email newsletter


અમારા માટે અમૂલ્ય છે આપનો અભિપ્રાય

વાચક મિત્રો,

યુનિવર્સિટી ઓફ વેસ્ટમિન્સ્ટરમાં પત્રકારત્વનો અભ્યાસ કરી રહેલાં દિપાલી લિંબાચીયા હાલમાં ‘ગુજરાત સમાચાર’-‘એશિયન વોઈસ’માં અખબાર પ્રકાશન ક્ષેત્રે કામગીરીનો અનુભવ મેળવી રહ્યા છે. તેમણે વાચકોની પસંદ-નાપસંદ, તેમને ગમતા વિષયોની જાણકારી મેળવવા એક નાનકડી પ્રશ્નોતરી તૈયાર કરી છે. આપ આપના કિંમતી સમયમાંથી થોડીક મિનિટો ફાળવીને આ પ્રશ્નોત્તરીના જવાબ આપશો તો અમે આપના આભારી થઇશું.

- પ્રશ્નોત્તરીનો ઓનલાઇન જવાબ આપવા માટે ક્લિક કરો આ વેબલિન્કઃ http://www.abplgroup.com/AAA-Assets/R-D/Dipali-Limbachia


- તંત્રી