અહીં બાબાસાહેબને જોઇ શકાશે, સાંભળી પણ શકાશે

Friday 13th April 2018 08:10 EDT
 
 

નવી દિલ્હીઃ રાજધાની દિલ્હીના અલીપુર રોડ પર જ્યાં ડો. ભીમરાવ આંબેડકરનું દેહાવસન થયું હતું ત્યાં તેમનું અત્યાધુનિક મ્યુઝિયમ ‘ડો. બી. આર. આંબેડકર નેશનલ મેમોરિયલ’ બનીને તૈયાર છે. ૧૪ એપ્રિલે આંબેડકર જયંતીના દિવસે વડા પ્રધાન નરેન્દ્ર મોદી તેનું ઉદઘાટન કરશે.
બહારથી (બંધારણના) પુસ્તક જેવો આકાર ધરાવતા આ મ્યુઝિયમની વિશેષતા એ છે કે તમે ત્રણ સ્થળે બાબાસાહેબ આંબેડકરને થ્રી-ડીમાં લાઇવ સાંભળી શકશો. તેમાં ડો. આંબેડકરના મૂળ અવાજનું મિક્સિંગ કરાયું છે. એટલું જ નહીં, હરતાંફરતાં બંધારણના પાનાં જોઈ શકાશે, અને ટચ બટનથી આ પાનાં ફેરવી પણ શકાશે.
મુખ્ય દ્વારની નજીક જ ૧૨ ફૂટની પ્રતિમા
મુખ્ય દ્વારથી પ્રવેશ કરતાં જ ડાબી તરફ બોધિવૃક્ષની નીચે ડો. આંબેડકરની ૧૨ ફૂટની પ્રતિમા, ડાબી તરફ દીવાલ પર તેમની ઉક્તિ ‘આપણે પ્રાચીન કાળથી અંત સુધી ભારતીય છીએ’ અંગ્રેજીમાં લખેલી છે. અન્ય દીવાલો પર બંધારણ સભાની બેઠકોની ઝલક જોવા મળશે. ઉલ્લેખનીય છે કે બાબાસાહેબ આંબેડકરની જયંતીને સમરસતા દિવસ ઘોષિત કરાયો છે જ્યારે ૨૬ નવેમ્બરે બંધારણ દિવસ મનાવાય છે. ૧૫ જનપથ રોડ પર આંબેડકર ઇન્ટરનેશનલ સેન્ટર પણ બનાવાયું છે.


comments powered by Disqus


to the free, weekly Gujarat Samachar email newsletter


અમારા માટે અમૂલ્ય છે આપનો અભિપ્રાય

વાચક મિત્રો,

યુનિવર્સિટી ઓફ વેસ્ટમિન્સ્ટરમાં પત્રકારત્વનો અભ્યાસ કરી રહેલાં દિપાલી લિંબાચીયા હાલમાં ‘ગુજરાત સમાચાર’-‘એશિયન વોઈસ’માં અખબાર પ્રકાશન ક્ષેત્રે કામગીરીનો અનુભવ મેળવી રહ્યા છે. તેમણે વાચકોની પસંદ-નાપસંદ, તેમને ગમતા વિષયોની જાણકારી મેળવવા એક નાનકડી પ્રશ્નોતરી તૈયાર કરી છે. આપ આપના કિંમતી સમયમાંથી થોડીક મિનિટો ફાળવીને આ પ્રશ્નોત્તરીના જવાબ આપશો તો અમે આપના આભારી થઇશું.

- પ્રશ્નોત્તરીનો ઓનલાઇન જવાબ આપવા માટે ક્લિક કરો આ વેબલિન્કઃ http://www.abplgroup.com/AAA-Assets/R-D/Dipali-Limbachia


- તંત્રી