પોલિયો નાબૂદી માટે યુકેની ૧૦૦ મિલિયન પાઉન્ડની સહાય

Monday 07th August 2017 09:54 EDT
 
 

લંડનઃ વિશ્વમાંથી પોલિયો નાબૂદ કરવાની દિશામાં યુકે અગ્રેસર બની રહ્યું હોવાની જાહેરાત કરતા ઈન્ટરનેશનલ ડેવલપમેન્ટ સેક્રેટરી પ્રીતિ પટેલે જણાવ્યું હતું કે પાકિસ્તાન, અફઘાનિસ્તાન અને નાઈજીરીયામાંથી પોલિયોને નાબૂદ કરવા માટે યુકે ૧૦૦ મિલિયન પાઉન્ડની મદદ કરશે.

યુકેમાંથી ૧૯૮૦ના દાયકામાં પોલિયો નાબૂદ થઈ ગયો હતો. જોકે, પાકિસ્તાન, અફઘાનિસ્તાન અને નાઈજીરીયામાં આ વર્ષે પાકિસ્તાનના ત્રણ સહિત પોલિયોના નવા આઠ કેસ નોંધાયા હતા.

યુકેના ડિપાર્ટમેન્ટ ફોર ઈન્ટરનેશનલ ડેવલપમેન્ટ (DFID)ના વડાએ જણાવ્યું હતું કે ૨૦૧૭માં પાકિસ્તાન પોલિયોને સંપૂર્ણપણે નાબૂદ કરશે તેમ લાગે છે. પોલિયોના છેલ્લા નવા કેસનું નિદાન આ વર્ષે થશે તેવું લાગે છે અને તે ૨૦૨૦માં વિશ્વને પોલિયોમુક્ત પ્રમાણિત કરવાનો માર્ગ ખોલશે.

વિશ્વભરમાં પોલિયો નાબૂદીના પ્રયાસને બ્રિટને ૧૯૮૮થી સમર્થન આપ્યું હતું અને તેના પરિણામે ૧૬ મિલિયન લોકો પોલિયોગ્રસ્ત થતા બચી ગયા છે અને લોકોને આ રોગ થવાની શક્યતા ૯૯.૯ ટકા ઘટી ગઈ હતી.


comments powered by Disqus


The Expansion of Heathrow Airport


Dear valued reader,

Here at Gujarat Samachar, we are conducting an investigation in to the potential impacts of the expansion of London's Heathrow Airport. Following Parliaments' approval of the construction of a third runway, we are seeking to gain a better understanding of how the public feels regarding this sizeable proposal. We ask that you reply to our questionnaire so that we can get a feel of how our readers view the potential expansion. Views of those local to West London are particularly welcome.



to the free, weekly Gujarat Samachar email newsletter