ક્લાઈમેટ કેમ્પેઈનર્સનો ટ્રેઝરીને નકલી લોહીથી રંગવાનો પ્રયાસ

Wednesday 09th October 2019 03:49 EDT
 
 

લંડનઃ હવામાન પરિવર્તન અંગેની એક્સટિન્કશન રીબેલિઅન રેલીમાં જોડાયેલા ચળવળકારોએ યુ.કે.ની ટ્રેઝરી કચેરીને બનાવટી લોહીથી રંગવાનો પ્રયાસ કર્યો હતો. પરંતુ આ પ્રયાસમાં તેઓ નિષ્ફળ જતા ૧૮૦૦ લિટર જેટલું બનાવટી લોહી માર્ગો પર ફેલાઈ ગયું હતું.

એક્સટિન્કશન રીબેલિઅન કેમ્પેઈન થોડા મહિના અગાઉ જ શરૂ કરાઈ છે. તેના આંદોલનકારોએ લંડનમાં રેલી કાઢી હતી. તેઓ વપરાશમાં નહિ લેવાતું જૂનું ફાયર એન્જિર લઈ આવ્યા હતા અને તેમાં તેમણે બનાવટી લોહી ભર્યું હતું. આંદોલનકારોએ હોઝ પાઇપ વડે આ લોહી ટ્રેઝરી ઓફિસ પર છાંટવા પ્રયાસ કર્યો હતો. પરંતુ, હોઝ પાઈપ ફાટી જતાં ૧૮૦૦ લિટર જેટલું બનાવટી લોહી ટ્રેઝરી ઓફિસ નજીકના રસ્તાઓ પર ઢોળાઈને ફેલાઈ ગયું હતું.

આ ઘટના સમયે દેખાવકારોને અટકાવવા કોઈ પોલીસ અધિકારી સ્થળ પર હાજર ન હોવાનું સીસીટીવી ફુટેજ દર્શાવે છે. હવે રાજકારણીઓ પોલીસની લાપરવાહી સામે પ્રશ્નો ઉઠાવી રહ્યા છે. ટોરી સાસંદ ટી.સી. ડેવીસે જણાવ્યું હતું કે,‘આપણે નસબીદાર છીએ કે આ તો માત્ર નકલી લોહી સાથે આવેલા ક્લાઈમેટ ચેન્જ સંબંધિત દેખાવકારો જ હતા. કાલે ઊઠીને ISIS અથવા અલ કાયદાના ત્રાસવાદીઓ મશીન ગન્સ સાથે પણ આવી શકે છે. આપણે સરકારી ઇમારતોને વધુ સુરક્ષિત બનાવવાની જરૂર છે.’


comments powered by Disqus



to the free, weekly Gujarat Samachar email newsletter