વૂલ્વરહેમ્પટનમાં ડબલ મર્ડરના આરોપીની માહિતી આપનારને 20,000 પાઉન્ડનું ઇનામ અપાશે

લંડનઃ વૂલ્વરહેમ્પટનમાં સપ્ટેમ્બર માસમાં ગોળીબાર કરી બે વ્યક્તિની હત્યા કરનાર અપરાધીની માહિતી આપનારને 20,000 પાઉન્ડનું ઇનામ આપવા ક્રાઇમસ્ટોપર્સ દ્વારા જાહેરાત કરાઇ છે. 19 સપ્ટેમ્બરના રોજ બપોરે 3 કલાકે ડુઇન મિલ્સ અને સૈયદ ઝાયન અલી વૂલ્વરહેમ્પટનની લેસ્ટર સ્ટ્રીટમાં પોતાની કારમાં બેઠા હતા ત્યારે એક વ્યક્તિએ તેમના પર ગોળીબાર કર્યા હતા જેમાં મિલ્સનું ઘટનાસ્થળે જ મોત થયું હતું જ્યારે અલીનું સારવાર દરમિયાન 24 સપ્ટેમ્બરના રોજ મોત થયું હતું. પોલીસ આ મામલામાં મોહમ્મદ મનીર ખાનની પૂછપરછ કરવા માગે છે પરંતુ તે ફરાર છે. પોલીસે પણ માહિતી માટે અપીલ કરી છે. ક્રાઇમસ્ટોપર્સે આરોપીની માહિતી આપનારનું નામ સંપુર્ણ ગુપ્ત રાખવાનું વચન આપ્યું છે.