હિમેશ રેશમિયાઃ બ્લૂમબર્ગ પોપ પાવર લિસ્ટમાં સ્થાન મેળવનાર પ્રથમ ભારતીય

ગીતકાર અને સિંગર હિમેશ રેશમિયા બ્લૂમબર્ગના પોપ પાવર લિસ્ટમાં સામેલ થનારા એકમાત્ર ભારતીય કલાકાર બન્યો છે. સાતમી ઓગસ્ટના રોજ બહાર પાડવામાં આવેલી આ યાદીમાં વિશ્વના સૌથી પ્રભાવશાળી પોપ સ્ટાર્સની રેન્કિંગનો સમાવેશ થાય છે. યાદીમાં પોસ્ટ મેલોન, બૂનો માર્સ અને બેયોન્સ ટોચ પર છે, જ્યારે હિમેશ 22મા ક્રમે છે. આ યાદીમાં બિલી આઈલિશ, સબરીના કાર્પેન્ટર, જે-હોપ, કોલ્ડપ્લે, એડ શીરન, બેડ બન્ની, લેડી ગાગા, કેટસે અને શકીરા જેવા નામો પણ શામેલ છે. બ્લૂમબર્ગના મતે, આ વૈશ્વિક રેન્કિંગ તૈયાર કરવા માટે વિશ્વભરમાંથી લગભગ 1,20,000 લોકોએ અરજી કરી હતી. ત્યારબાદ ચાહકોએ પણ આ સમગ્ર પ્રક્રિયામાં માગ લીધો અને તેમના મનપસંદ પોપ સ્ટાર્સને મતદાન કરીને તેમને યાદીમાં આગળ ધકેલી દીધા હતાં.
આ સિદ્ધિ પર, ચાહકો એક્સ અને ઈન્સ્ટાગ્રામ બંને પર હિમેશ પર પ્રેમનો વરસાદ વરસાવી રહ્યા છે. ઈન્સ્ટાગ્રામ પર, એક ચાહકે લખ્યું ‘ભારતીય સુપરહિટ મશીન, એક અને માત્ર શ્રી હિમેશ રેશમિયા.’ તે જ સમયે બીજા ચાહકે લખ્યું ‘આ આપણા બધા માટે ગર્વની ક્ષણ છે.’ એકે કહ્યું ‘આશિક બનાયા આપને...થી લઈને વૈશ્વિક ચાર્ટ સુધી, કેટલી શાનદાર સફર રહી છે. અભિનંદના’ તે જ સમયે, હિમેશે આ સિદ્ધિ માટે તેના ચાહકો અને ઉદ્યોગના મિત્રોનો આભાર માન્યો છે. આ માટે તેણે મિત્રો તરફથી મળેલા અભિનંદનને ઈન્સ્ટાગ્રામ સ્ટોરીઝ પર ફરીથી પોસ્ટ કર્યા છે. હિમેશની એક્ટિંગ કરિયર વિશે વાત કરીએ તો, તે તાજેતરમાં ફિલ્મ ‘બદમાશ રવિ કુમાર’માં જોવા મળ્યો હતો. આ ફિલ્મને દર્શકો તરફથી મિશ્ર પ્રતિસાદ મળ્યો હતો પરંતુ તે બોક્સ ઓફિસ પર ફ્લોપ સાબિત થઈ હતી.