ન્યૂયોર્કઃ અમેરિકી બિઝનેસમેન અને મીડિયા મુગલ રૂપર્ટ મર્ડોક 93 વર્ષની ઉંમરે પાંચમી વખત લગ્નબંધને બંધાયા છે. તેમણે 67 વર્ષનાં નિવૃત્ત મોલેક્યુલર બાયોલોજિસ્ટ એલેના ઝુકોવા સાથે સંસાર માંડ્યો છે. લગ્ન સમારંભ શનિવારે મર્ડોકના કેલિફોર્નિયા ખાતેના વાઈનયાર્ડ અને એસ્ટેટ ‘મોરાગા’ ખાતે યોજાયો હતો. મર્ડોકે પહેલા લગ્ન 1956માં ઓસ્ટ્રેલિયન ફ્લાઈટ એટેન્ડન્ટ પેટ્રિસિયા બૂકર સાથે કર્યા હતા. 1960માં બંનેના ડિવોર્સ થયા બાદ ન્યૂઝપેપર રિપોર્ટર એના ટોર્વ સાથે તેમણે બીજા લગ્ન કર્યા હતા. 1999માં ડિવોર્સના થોડાં મહિનામાં મર્ડોકે વેન્ડી ડેંગ સાથે લગ્ન કર્યા હતા. 2016માં મોડલ જેરી હોલ સાથે મર્ડોકના ચોથા લગ્ન અને 2021માં ડિવોર્સ થયા હતા. મર્ડોકને કુલ 6 સંતાનો છે.
