બ્રિટિશ પોલીસ ઓફિસરો ત્રાસવાદીઓનું લક્ષ્યાંક

બ્રિટિશ ઈસ્લામિક ત્રાસવાદીઓ તારિક હસન, સુહૈબ માજિદ, ન્યાલ હેમલેટ અને મોમેમ મોટાસિમે લંડનની શેરીઓમાં વાહનો ચલાવતી વેળાએ પોલીસ ઓફિસરો કે સૈનિકોની હત્યાઓનું કાવતરું ઘડ્યું હોવાનું કહેવાય છે. આ ત્રાસવાદીઓ પાસે બે પોલીસ અધિકારી અને બે પોલીસ કોમ્યુનિટી સપોર્ટ અધિકારીના ફોટોગ્રાફ્સ મળી આવ્યા હતા. તેમણે લંડનમાં પોલીસ સ્ટેશન અને ટેરિટોરિયલ આર્મીની બેરેક્સની જાસૂસી પણ કરી હતી.