સંતાનને હોંશિયાર બનાવવું હોય તો બે ભાષા શીખવો

બાળકોને બે ભાષા શીખવવા માટે માતા-પિતાએ પણ બે ભાષા શીખવી જરૂરી છે, કેમ કે બાળક તેનાં માતા-પિતા પાસેથી જ ભાષા શીખતાં હોય છે. આ બે ભાષા કોઇ પણ હોય શકે છે, પણ જે ભાષા સૌથી વધુ ચલણમાં હોય તે ઉપરાંત જે ભાષા આંતરરાષ્ટ્રીય કક્ષાએ પણ ચલણમાં હોય તેના પર વધુ ધ્યાન આપવું જોઇએ.
આ સંશોધન સિંગાપોરમાં હાથ ધરાયું હતું, જેમાં વધુમાં દાવો કરાયો છે કે પ્રિ-સ્કૂલ ડેવલપમેન્ટમાં દ્વિભાષા બહુ જ મહત્ત્વની છે, જોકે આ સંશોધનમાં એ નથી જણાવાયું ક્યા પ્રકારની ભાષાથી વધુ ફાયદો થાય છે.
આ સંશોધનમાં દરેક બાળકને એક ઇમેજ દેખાડાઇ હતી, જેમાં બિયર અને વુલ્ફનો સમાવેશ થતો હતો. બન્ને ગ્રૂપમાં આ ઇમેજ દેખાડાઇ હતી, જે ગ્રૂપમાં બે ભાષાના જાણકાર બાળકો હતાં તેમનામાં ઇમેજને ઓળખવાની ક્ષમતા વધુ જણાઇ હતી. મતલબ કે દ્વિ-ભાષી બાળકોનો આઇક્યુ ઊંચો હોય છે અને તેઓ ઝડપથી બધી વસ્તુઓને શીખવા કે સમજવા લાગે છે. આ સંશોધનને ચાઇલ્ડ ડેવલપમેન્ટ જર્નલમાં પ્રકાશિત કરાયું હતું. દ્વિભાષી બાળકો કોઇ વસ્તુને લાંબા સમય સુધી યાદ રાખી શકે છે.