શેરડીના સાંઠા મારીને વ્યસન મુક્તિ!

રશિયાના સાઇબેરિયામાં આવેલાં એક ક્લિનિકમાં નશીલા પદાર્થો જેમ કે, આલ્કોહોલ, હેરાઇન વગેરેનું સેવન કરતાં લોકોને પહેલાં બેડ પર સુવડાવી દેવામાં આવે છે અને બાદમાં તેમની પીઠ પર શેરડીના સાંઠાના ફટકા મરાય છે. આલ્કોહોલનું સેવન કર્યું હોય તેમને આ આદતથી છોડાવવા માટે ૩૦ વખત સાંઠા મરાય છે જ્યારે ડ્રગ્સ કે હેરોઇનનું વ્યસન ધરાવતા લોકોને ૬૦ વખત શેરડીના સાંઠા મરાય છે. સાઇબેરિયામાં થતી આ સારવાર મેળવવા વિદેશથી પણ બંધાણીઓ અહીં આવતા હોવાનો ડોક્ટર્સનો દાવો છે. જે લોકો સારવાર માટે આવે છે તેમાં સેક્સ એડિક્ટ્સ, ડ્રગ્સ એડિકટ્સ, આલ્કોહોલ એડિક્ટ્સ હોય છે. સારવાર કરી રહેલા ડોક્ટર ગેરમેન પિલિપેન્કો જણાવે છે કે અત્યાર સુધીમાં એક હજારથી વધુ દર્દીઓની આ પ્રકારે સારવાર કરવામાં આવી છે, જેમાંથી મોટા ભાગનાએ કાયમ માટે વ્યસન છોડી દીધું છે.