ઉચ્ચ પગારની નોકરી મેળવવા સર્જન જૂઠ્ઠું બોલ્યા

લંડનઃ રેડિચની એલેક્ઝાન્ડ્રા હોસ્પિટલમાં કન્સલ્ટન્ટ તરીકે નોકરી મેળવવા માટે સર્જીકલ ક્ષેત્રના પોતાના અનુભવ વિશે જૂઠ્ઠું બોલીને છેતરપિંડી કરવા બદલ ૪૮ વર્ષીય સર્જન સુદીપ સરકારને વુસ્ટર ક્રાઉન કોર્ટના જજ રોબર્ટ જ્યુક્સે છ મહિનાની જેલની સજા કરી હતી.

સરકાર વાર્ષિક ૮૪,૦૦૦ પાઉન્ડની નોકરી મેળવવા ખોટું બોલ્યા હતા. તેમણે તે હોસ્પિટલમાં ઓગસ્ટ ૨૦૧૧થી જૂન ૨૦૧૨ સુધી ફરજ બજાવી હતી. તેમણે જાતે આંતરડાની માત્ર ૬ કીહોલ સર્જરી કરી હતી, જ્યારે તેમણે ૮૫માંથી ૫૧ સર્જરી કરી હોવાનું જણાવ્યું હતું. સુદીપ સરકારે દાખવેલી તબીબી બેદરકારીના ૧૯ કેસોમાં NHSને ૨ મિલિયન પાઉન્ડનું બિલ ભોગવવું પડ્યું હતું.