બોલિવૂડના ગાયક ઝુબિન નૌટિયાલ સામે શશાંક નામના યુવકે ફરિયાદ નોંધાવી છે કે ૧૪મી જૂને દિલ્હીમાં આવેલા વસંતવિહારની એક હોટેલમાં ઝુબિને પોતાના જન્મદિવસની પાર્ટી આપી હતી. ઝુબિન તેની મહિલા મિત્રની છેડછાડ કરી રહ્યો હતો જ્યારે મેં તેનો વિરોધ કર્યો તો ઝુબિને મારી સાથે મારપીટ કરી હતી. તો, બીજી તરફ ઝુબિન તરફથી પણ ૧૪મીએ મોડી સાંજે પોલીસને લેખિત ફરિયાદ આપવામાં આવી હતી કે તેની ગાડીની તોડફોડ કરવામાં આવી હતી અને તેની મારપીટ પણ થઈ હતી. પોલીસે આ કેસમાં તપાસ આદરી છે.
