એક્ટ્રેસ વિદ્યા બાલન પોતાના ચાહકો માટે હ્યુમન કમ્પ્યુટર શકુંતલાદેવીની બાયોપિક લઈને ટૂંક સમયમાં આવી રહી છે. આ ફિલ્મનો ફર્સ્ટ લુક સામે આવી ચૂક્યો છે. જેમાં વિદ્યા અદ્દલ શકુંતલાદેવી જેવી જ લાગે છે. વિદ્યાનો લુક જોઈને શકુંતલાદેવીની પુત્રી ભાવુક થઈ ગઈ હતી. લંડનમાં રહેતી શકુંતલાદેવીની દીકરી અનુપમાએ ફિલ્મનો ફર્સ્ટ લુક જોઈને જોઈને ખૂબ જ ઉત્સાહથી વિદ્યાને જણાવ્યું હતું કે, તેમને જોઈને મને મારી માતાની યાદ આવી ગઈ. અહેવાલ પ્રમાણે અનુપમાએ કહ્યું કે, વિદ્યા બાલને મારી મમ્મીનો લુક સુંદર રીતે કેરી કર્યો છે.
