નવી દિલ્હીમાં મંત્રણાઓના દોર બાદ જાપાનના વડા પ્રધાન ફૂમિયો કિશિદાને કળાત્મક ‘કૃષ્ણ પંખા’ની ભેટ આપતા વડા પ્રધાન નરેન્દ્ર મોદી. ચંદન કાષ્ઠમાંથી બનેલી આ કૃતિ રાજસ્થાનના ચુરુના કુશળ કારીગરોએ તૈયાર કરી છે. બારિક નક્શીકામથી શોભતા અને પારંપરિક સાધનોથી તૈયાર થયેલા આ ‘કૃષ્ણ પંખા’ પર ભારતના રાષ્ટ્રીય પક્ષી મોરની આકૃતિ ઉપરાંત ભગવાન કૃષ્ણની વિવિધ મુદ્રાઓને દર્શાવાઇ છે. જાપાનના વડા પ્રધાને બે દિવસના પ્રવાસ દરમિયાન પાંચ વર્ષમાં ભારતમાં રૂ. 3.20 લાખ કરોડનું મૂડીરોકાણ કરવાની જાહેરાત કરી છે.
