લંડનઃ રેલ, મેરીટાઇમ અને ટ્રાન્સપોર્ટ (RMT) યુનિયનના 50 હજારથી વધુ સભ્યોએ 11 ટકા પગાર વધારાની માંગણીઓને લઈને 21 જૂને વોકઆઉટ કર્યું હતું. 30 વર્ષોની આ સૌથી મોટી રેલ હડતાલે યુકેને ‘કોવિડના સૌથી અંધકારમય દિવસો’ તરફ ધકેલી દીધો હતો. સૂમસામ શેરીયો, બંધ દુકાનો, ખાલી કાફે જોઇને એવું લાગતું હતું કે ઘોસ્ટ ટાઉન બ્રિટનનું પુનરાગમન થયું છે. હડતાલને લીધે લાખો નિર્દોષ લોકોને હાલાકીનો સામનો કરવો પડ્યો હતો અને હોસ્પિટાલિટી સેક્ટરને 540 મિલિયન પાઉન્ડનો મરણતોલ ફટકો પડ્યો છે. આરએમટી ચીફ મુજબ, આગામી સમયમાં જ્યારે પણ જરૂર જણાશે ત્યારે હડતાલ પાડવામાં આવશે.
RMT યુનિયન દ્વારા 21 જૂન, ગુરુવાર - 23 જૂન અને શનિવાર - 25 જૂને હડતાળ રાખવામાં આવી રહી છે, જે સમગ્ર યુકે રેલ નેટવર્કને અસર કરશે. આ હડતાલમાં નેટવર્ક રેલ ખાતેના RMTના સભ્યો અને 13 ઓપરેટરો સામેલ છે. દરેક હડતાલના બીજા દિવસે નોક-ઓન ઇફેક્ટ રહેશે.
મોટા ભાગના બ્રિટનમાં આખા દિવસ માટે કોઈ પેસેન્જર ટ્રેન ઉપલબ્ધ જ નહોતી. લંડનનું ટ્યુબ નેટવર્ક પણ બંધ થઈ ગયું, જેના કારણે મુસાફરોને બસો અથવા કારમાં અવર-જવર કરવાની ફરજ પડી. લંડનના હોટસ્પોટ્સ પર ખરાબ ટ્રાફિક અને હિથ્રોની નજીકના પશ્ચિમમાં રસ્તાઓ પર લાંબી કતારો હતી.
આ અઠવાડિયે GCSE અને A-લેવલની પરીક્ષામાં બેઠેલા સમગ્ર બ્રિટનના વિદ્યાર્થીઓ અને આરોગ્યની મહત્વપૂર્ણ એપોઇન્ટમેન્ટવાળા દર્દીઓ માટે ચિંતાનું કારણ બની છે.
લંડનની કેટલીક શાળાઓએ વિદ્યાર્થીઓને ઓનલાઈન શીખવાની ઓફર કરી છે. બીજી બાજુ લંડનની રેસ્ટોરાંઓમાં આ અઠવાડિયે 50 ટકા બુકિંગ ઘટી ગયું છે. વડા પ્રધાન બોરિસ જ્હોન્સને લોકોને વધુ રેલ અરાજકતા માટે તૈયાર રહેવા ચેતવણી આપી છે અને યુનિયનોને વિનંતી કરી કે તેઓ ઉદ્યોગના ભાવિની સુરક્ષા માટે પેકેજ પર સંમત થાય. તેમણે ઉદ્યોગમાં આધુનિકીકરણ અને સુધારાની જરૂરિયાત પર ભાર મૂક્યો હતો.
ઉનાળાની હડતાળના ચેપમાં બીજું કોણ જોડાવા માટે તૈયાર છે?
ટ્રાન્સપોર્ટ
ટ્રાન્સપોર્ટ સેલેરીડ સ્ટાફ એસોસિએશન (TSSA) પણ નેટવર્ક રેલ અને કેટલીક ટ્રેન કંપનીઓમાં હજારો સ્ટાફને મતદાન કરી રહ્યું છે, જેમાં જુલાઈમાં હડતાલની શક્યતા છે.
ટ્રેન ડ્રાઇવર્સ યુનિયન અસલેફ આગામી અઠવાડિયામાં ગ્રેટર એંગ્લિયા અને ક્રોયડન ટ્રામલિંક ખાતે હડતાળ કરવા તૈયાર છે.
હીથ્રો ખાતે લગભગ 500 બ્રિટિશ એરવેઝ ચેક-ઇન સ્ટાફ પણ મતદાન કરી રહ્યું છે. જો કામદારો તરફેણમાં મતદાન કરે છે, તો જુલાઈમાં હડતાલ થવાની સંભાવના છે.
શિક્ષણ
12 ટકાના પગાર વધારાની માંગણીઓ સાથે શિક્ષક સંઘ મતદાન કરશે. 2022-23 માટેનો પગાર પુરસ્કાર નવેમ્બરમાં બાકી છે.
હેલ્થ કેર
યુનિસને, જે NHS સ્ટાફનું પ્રતિનિધિત્વ કરે છે, તેણે કહ્યું છે કે જ્યાં સુધી તેમના માટે વાર્ષિક પગારની ઓફર ફુગાવાના દરની નજીક ન હોય ત્યાં સુધી હડતાલ શક્ય છે. બ્રિટિશ મેડિકલ એસોસિએશન, જે ડોકટરોનું પ્રતિનિધિત્વ કરે છે, તેણે પણ કહ્યું છે કે જ્યાં સુધી જુનિયર ડોકટરોને 22 ટકા 'પુનઃસ્થાપિત' પગાર વધારો આપવામાં ન આવે ત્યાં સુધી તે મતદાન માટે તૈયારી કરશે.
રોયલ કોલેજ ઓફ નર્સિંગે પણ મોંઘવારી ઉપર 5 ટકા પગાર વધારાની માંગ કરી છે.
સિવિલ સર્વિસ
પબ્લિક એન્ડ કોમર્શિયલ સર્વિસ યુનિયન, જે સિવિલ સર્વિસ વર્કર્સનું પ્રતિનિધિત્વ કરે છે, સપ્ટેમ્બરમાં પગાર, પેન્શન અને રિડન્ડન્સી પર મતદાન કરશે.
લોકલ ગવર્ન્મેંટ
યુનિસન, જીએમબી અને યુનાઈટેડ યુનિયનોએ જણાવ્યું છે કે ઈંગ્લેન્ડ, વેલ્સ અને ઉત્તરી આયર્લેન્ડમાં સ્થાનિક સરકારી કર્મચારીઓને ઓછામાં ઓછા £2,000નો પગાર વધારો મળવો જોઈએ અન્યથા હડતાલ જેવા પગલાં લેવાશે.
કાયદો
બેરિસ્ટરોએ કાનૂની સહાય ભંડોળને લઈને સતત હડતાળ પર જવા માટે મત આપ્યો છે.
ક્રિમિનલ બાર એસોસિએશન (સીબીએ), જે ઇંગ્લેન્ડ અને વેલ્સમાં બેરિસ્ટરોનું પ્રતિનિધિત્વ કરે છે, તેણે જણાવ્યું હતું કે આવતા સપ્તાહથી કોર્ટ વોકઆઉટના ઘણા દિવસો શરૂ થશે.
કોમ્યુનિકેશન્સ
કોમ્યુનિકેશન વર્કર્સ યુનિયન 2 ટકાના પગાર વધારાની ઓફર અંગેના વિવાદમાં રોયલ મેઇલ કામદારોને મતદાન કરશે.
પાર્કિંગ વોર્ડન
આ મહિને ટ્રાફિક વોર્ડન પગારમાં કાપ અને 'ફાયર એન્ડ રિહાયર' યુક્તિઓના વિરોધમાં સાત દિવસની હડતાળ શરૂ કરશે.
