મુંબઈઃ એર ઈન્ડિયાની ફલાઈટ 10 માર્ચે લંડનથી મુંબઈ આવવા રવાના થઈ હતી. થોડીવારમાં બાથરૂમમાં સ્મોક એલાર્મ વાગતાં ક્રૂ મેમ્બરે તપાસ કરતાં જણાયું હતું કે કમલકાંત દ્વિવેદી નામનો પ્રવાસી સિગારેટ પીતો હતો.
કમલકાંતને સિગારેટ ન પીવા જણાવાતાં તે ઉશ્કેરાયો હતો. અને થોડીવારે સીટ પર બેઠા બાદ તેણે ફલાઈટનો દરવાજો ખોલવાનો પ્રયાસ કર્યો હતો. ઘટના બાદ અન્ય પ્રવાસીઓએ બૂમરાણ મચાવતાં તેણે પ્રવાસીઓની મારપીટ શરૂ કરી દીધી હતી. કેટલાકને તો તેણે લાતો પણ ફટકારી હતી.
ભારે ધમાલ મચાવતાં આ પ્રવાસીને એક સીટ સાથે બાંધી દીધો હતો. ત્યાં પણ તેણે ધમાલ કરતંા ઇન્જેક્શન આપી બેભાન કરી દેવાયો હતો. ફ્લાઈટ મુંબઈ પહોંચતાં તેને પોલીસને સોંપાયો હતો. પોલીસે આઇપીસી 336 સહિત અન્ય કલમ હેઠળ ગુનો દાખલ કરી તેની ધરપકડ
કરી હતી.
