માલદીવના નવા પ્રમુખ ચીન સમર્થક

માલદીવમાં પ્રમુખપદની ચૂંટણીમાં મોહંમદ મુઇજ્જનો વિજય થતાં ભારતની ચિંતા વધી છે, કેમ કે મોહંમદને ચીન સમર્થક માનવામાં આવે છે.

•સ્પેનમાં નાઇટ ક્લબમાં આગ, 13નાં મૃત્યુઃ સ્પેનમાં દક્ષિણ-પૂર્વમાં આવેલા મર્સિયા શહેરની નાઇટ ક્લબમાં આગ લાગતાં 13નાં મૃત્યુ થયા.

• પાક. અફઘાન પર કરી શકે એરસ્ટ્રાઇકઃ એક સમયે તાલિબાનને સમર્થન આપનારા પાકિસ્તાન માટે અફઘાનિસ્તાન સંકટ બની ઊભું છે, જેથી અફઘાનિસ્તાન પર એરસ્ટ્રાઇક કરવા તે આતુર છે.

• ઇરાને 20 ફ્લાઇટ્સને ગેરમાર્ગે દોરીઃ ઇરાને 15 દિવસમાં ખોટા જીપીએસ સિગ્નલ મોકલતાં 20 વિમાનો ભૂલાં પડ્યાં હતાં, બગદાદ એટીસીનો સહારો લઈ ફ્લાઇટ્સ નિયત સ્થાને પહોંચી હતી.

• સર્બિયાએ નાટો સામે ઘાતક ટેન્ક ગોઠવીઃ સર્બિયા અને કોસોવોનો વિવાદ વણસી રહ્યો છે. સર્બિયાએ સરહદે ટેન્ક, સૈનિકો તહેનાત કર્યાં છે.

• પાકિસ્તામાં 2 બ્લાસ્ટથી 55નાં મોતઃ બલુચિસ્તાનના મસ્તુંગ અને ખૈબર પખ્તુનખ્વાંમાં શનિવારે બે બ્લાસ્ટ થતાં કુલ 55 લોકોનાં મોત થયાં, જ્યારે અનેક લોકો ઘવાયા છે.

• ભારત સાથે સારા સંબંધોની ઇચ્છાઃ ટ્રુડોઃ નિઝ્ઝરની હત્યા બાદ ભારત અને કેનેડા વચ્ચે ચાલી રહેલા રાજદ્વારી વિવાદ વચ્ચે ટ્રુડોએ કહ્યું કે, 'ભારત સાથે સંબંધો જાળવી રાખવા માગે છે.'

• પાકિસ્તાનમાં ઇમરાન સૌથી વધુ લોકપ્રિયઃ નવાઝ શરીફની પાર્ટીએ કરાવેલા સરવેમાં ખુલાસો થયો છે કે, નવાઝ શરીફ કરતાં તહેરિક-એ-ઇન્સાફના પ્રમુખ ઇમરાનની લોકપ્રિયતા વધુ છે.

• તાઇવાને સ્વદેશી સબમરિન બનાવીઃ તાઇવાને ચીન સામે તેની પ્રથમ સ્વદેશી સબમરિન રજૂ કરી છે. આ સબમરિન ‘નારવોલ’નું ગુરુવારે આયોજિત એક કાર્યક્રમમાં અનાવરણ કરાયું હતું.

• વિદેશમાં 90 ટકા ભિખારી પાકિસ્તાનીઃ વિદેશોમાં ધરપકડ કરાતા 90% ભિખારી પાકિસ્તાની નાગરિક હોય છે. ઇરાન અને સાઉદી અરેબિયાએ આ અંગે પાક.ને ચેતવણી આપી છે.