પેરિસઃ ગ્રેબિયલ એટલ ફ્રાંસના નવા વડાપ્રધાન બન્યા છે. 34 વર્ષીય એટલ દેશના સૌથી યુવા વડાપ્રધાન બનશે એટલું જ નહીં તેઓ જાહેરમાં ગે હોવાનો સ્વીકાર કરનાર પ્રથમ વડાપ્રધાન પણ બનશે. હાલના પ્રમુખ એમેન્યુઅલ મેક્રોન પર જમણેરી તરફથી વધતા રાજકીય દબાણ વચ્ચે તેમના બાકીના કાર્યકાળ માટે નવી શરૂઆત કરવા માંગે છે. એટલ અગાઉ સરકારના પ્રવક્તા તથા શિક્ષણ પ્રધાન તરીકે પ્રસિદ્ધિ પામ્યા હતા. તેમના પુરોગામી એલિઝાબેથ બોર્ને વિદેશીઓને દેશનિકાલ કરવાની સરકારની ક્ષમતાને મજબૂત બનાવતા ઈમિગ્રેશન કાયદા અંગે રાજકીય ગરબડ બાદ સોમવારે રાજીનામું આપ્યું હતું. મેક્રોન આગામી દિવસોમાં નવી સરકારનું નામ આપવા માટે એટલ સાથે કામ કરશે. એટલે કહ્યું હતું કે તેમના ધ્યેયોમાં સુરક્ષાને સંપૂર્ણ પ્રાથમિકતા બનાવવા અને સત્તાનાં મૂલ્યોને પ્રોત્સાહન આપવા અને અન્ય લોકોના સન્માનનો સમાવેશ થાય છે. બંધારણીય રીતે તેમને સતત ત્રીજી મુદત માટે પ્રતિબંધિત કરવામાં આવ્યા છે.
