કોચ્ચીઃ રશિયા અને યુક્રેન વચ્ચે ચાલી રહેલા યુદ્ધમાં એક વધુ ભારતીયે જીવ ગુમાવ્યો હોવાનો કેરળના યુવાનના પરિવાર દ્વારા દાવો કરાયો છે. પરિવારનો દાવો છે કે, યુવાન 2 એપ્રિલે નોકરીની શોધમાં રશિયા પહોંચ્યો હતો. આ અંગે ભારતીય દૂતાવાસની સત્તાવાર જાણકારીની પ્રતીક્ષા થઈ રહી છે. ત્રિચૂર જિલ્લાના ત્રિક્કુર ખાતે રહેતા સંદીપ ચંદ્રનના પરિવારનું કહેવું છે કે, તેમને મળેલી જાણકારી મુજબ સંદીપ 16 ઓગસ્ટે એક ટ્રકમાં જઈ રહ્યો હતો, તે સમયે થયેલા ગોળીબારમાં તેનું મૃત્યુ થયું હતું.
