વોશિંગ્ટનઃ અમેરિકામાં ચૂંટણીનો તખતો તૈયાર થવા લાગ્યો છે. મિડટર્મ ચૂંટણી માટે રિપબ્લિકન અને ડેમોક્રેટિક પાર્ટીના લગભગ 80 ટકા ઉમેદવારો નક્કી થઈ ચૂક્યા છે. ઓક્ટોબરના અંતથી કેટલાક રાજ્યોમાં શરૂઆતી મતદાન શરૂ થશે. આ ચૂંટણી અમેરિકી રાષ્ટ્રપતિ ડોનાલ્ડ ટ્રમ્પના ચાર વર્ષના કાર્યકાળના બરાબર વચ્ચે થનારી મોટી રાજકીય પરીક્ષા છે. હાલના ચૂંટણી આંકડામાં ટ્રમ્પની રિપબ્લિકન પાર્ટીને ઝટકો લાગવાની આશંકા 65 ટકા સુધી છે. આનો અર્થ એ છે કે સંસદમાં બહુમતી ગુમાવવાથી ટ્રમ્પની રાજકીય તાકાત ઘટી જશે. આગામી બે વર્ષ ટેરિફ, વિઝા કે મોટા નીતિગત નિર્ણયો પર તેમને વિપક્ષી ડેમોક્રેટ્સ પાર્ટી તરફથી ભારે વિરોધનો સામનો કરવો પડી શકે છે. મતલબ કે મિડટર્મ જ નક્કી કરશે કે ટ્રમ્પની મનમાની ચાલશે કે નહીં.
