• પિતાને ખભા પર બેસાડીને પુત્ર હજ કરવા લઈ ગયોઃ

એક ભારતીય તેના પિતાને ખભા પર બેસાડીને હજ કરવા પહોંચ્યો છે. તેણે પિતાને ખભા પર બેસાડીને જ હજની બધી અરકાન (વિધિઓ) અદા કરી હતી. લગભગ ૫૦ વર્ષીય મુહમ્મદ રશીદે જણાવ્યું કે પિતાને લઈ જવા માટે તે વ્હીલચેર ખરીદી શકતો હતો, પરંતુ પોતાના ખભાથી વધુ આરામદાયક વ્હીલચેર ક્યાંય ન મળતાં તેણે આ નિર્ણય કર્યો હતો. ‘સાઉદી ગેઝેટ’માં જણાવાયું હતું કે રશીદ તેના પિતાનો એકનો એક પુત્ર છે. માતાના નિધન પછી રશીદ જ તેના પિતાની દેખભાળ કરે છે. રશીદે જણાવ્યું હતું કે જ્યારે તે નાનો હતો ત્યારે પિતા તેને ખભા પર બેસાડીને ફરવા લઈ જતા હતા, હવે પિતાને ખભા પર બેસાડીને લઈ જવાનો તેનો વારો છે.