બ્રેસ્ટ-કેન્સર માટે જિનેટિકલી મોડીફાઈડ તુલસી

વોશિંગ્ટનઃ અમેરિકાની વેસ્ટર્ન કેન્ટકી યુનિવર્સિટીના ઈન્ડિયન-અમેરિકન મૂળના વિજ્ઞાનીઓની ટીમ હાલમાં જિનેટીકલી મોડીફાઈડ તુલસી ઉછેરવાના કામે લાગી છે. તુલસીમાં રહેલા ઈયુગેનોલ નામનું કમ્પાઉન્ડ બ્રેસ્ટ-કેન્સરને નાથી શકે છે એવું આ રિસર્ચરોએ લેબોરેટરીમાં કરેલી ટેસ્ટમાં જણાયું છે. જોકે તુલસીમાં આ કમ્પાઉન્ડ ઓછી માત્રામાં છે. રિસર્ચરો ઈયુગેનોલ કમ્પાઉન્ડ વધુ પેદા કરે એવી તુલસી ઉગાડવા મથી રહ્યા છે. આ કમ્પાઉન્ડથી બ્રેસ્ટ કેન્સરની ગાંઠના કોષોનો વિકાસ અટકી જાય છે. જો વધુ માત્રામાં ઈયુગેનોલ કમ્પાઉન્ડ તુલસી ઊગાડવાનું શક્ય બને તો તુલસીનું સીધું સેવન પણ કેન્સરને નાથવામાં મદદરૂપ થઈ શકે છે.