ટ્રાન્સલેશન એપ્લિકેશનથી રંગમાં ભંગ પડ્યો

જોકે, શ્રોપશાયરની રજિસ્ટ્રીમાં તેમના લગ્ન આરંભથી જ શંકાસ્પદ બની રહ્યા હતા. આ લગ્ન વિશે રજિસ્ટ્રાર પોલ એઈન્સકોફે કહ્યું હતું કે નવવધૂના પોશાકની કિનાર ધૂળથી રગદોળાયેલી હતી. તેણે પ્રસંગનું મહત્ત્વ સમજ્યા વિના જ આ પોશાક પહેર્યો હોય તેમ લાગતું હતું. રજિસ્ટ્રીના કર્મચારીઓએ ઈમિગ્રેશન સત્તાવાળાઓને તેમની શંકાથી માહિતગાર કર્યા હતા.
અવતારસિંહ ખુદ તો પરીણિત છે, પરંતુ બ્રિટનમાં રહેવા માટે ઈયુ નાગરિક સાથે લગ્ન કરવા જરૂરી હતા. તેણે રહસ્યમયી પૂર્વ યુરોપિયન ઝેક સ્ત્રી સાથે લગ્ન કરવા ફિક્સર રોબર્ટ મિકોને ભારે રકમ ચુકવી હતી. અવતારસિંહ જેવા લોકોને ઝેક પત્નીઓ પૂરી પાડી મિકો હજારો પાઉન્ડ ખિસ્સાભેગાં કરે છે.
આવી જ હાલત હમીદ મુસ્તાકના પાવલિના ક્રાત્કા સાથેના લગ્નની છે. તેમના લગ્ન ભલે બનાવટી હતા, પરંતુ તેઓ લગ્ન પછી એકબીજાને સાચો પ્રેમ કરતા થઈ ગયા હતા. લગ્નના એક વર્ષ પછી ઈમિગ્રેશન સત્તાવાળાએ તેમને ઝડપી લીધાં હતાં.