મુંબઇ ઇંડિયન્સ મુશ્કેલીમાંઃ ઇજાગ્રસ્ત ફિન્ચ આઈપીએલમાંથી આઉટ

ઇજાગ્રસ્ત ફિન્ચ આઈપીએલમાંથી આઉટ
મેલબોર્ન: ઓસ્ટ્રેલિયાની ટ્વેન્ટી૨૦ ટીમના કેપ્ટન અને આઈપીએલમાં મુંબઈ ઇન્ડિયન્સ તરફથી રમતા એરોન ફિન્ચને ઘૂંટણમાં ઇજા થવાને કારણે આઈપીએલ સિઝન-આઠને અધવચ્ચે છોડવી પડી છે. ફિન્ચ ગત ૧૪મી એપ્રિલે રાજસ્થાન રોયલ્સ સામેની મેચમાં બેટિંગ કરતી વખતે ઇજાગ્રસ્ત થયો હતો. તપાસમાં જણાયું હતું કે તેની ઘૂંટણની નસ ફાટી ગઇ હતી. આ પછી તેનું ઓપરેશન કરાયું હતું. ડોક્ટરોએ તેને આરામ કરવાની સલાહ આપી હોવાથી આગામી ૧૨ અઠવાડિયા સુધી મેદાન પર પરત ફરી શકે તેવી શક્યતા નથી. મુંબઇ ઇંડિયન્સનો દેખાવ આમ આ સિઝનમાં સાવ નબળો છે, અને હવે ફિન્ચ જેવો મહત્ત્વનો ઓલરાઉન્ડર ઇજાના કારણે ટીમમાંથી ખસી જતાં ટીમ મેનેજમેન્ટમાં ચિંતાની લાગણી પ્રસરી છે.