હળવી ક્ષણોએ...

પતિઃ લગ્ન પહેલાં તો તું બહુ ઉપવાસ કરતી, હવે કેમ બંધ કરી દીધા.
પત્નીઃ બહુ તો કંઈ નહોતી કરતી, માત્ર ૧૬ સોમવાર કરતી.
પતિઃ હા તો એ કેમ બંધ કરી દીધા.
પત્નીઃ તમારી સાથે મારાં લગ્ન થઈ ગયાં એટલે હવે ઉપવાસ પરથી વિશ્વાસ જ ઊઠી ગયો.
•
એક મહિલાએ ભિખારીને પાંચ રૂપિયા આપ્યા.
ભિખારીઃ મેડમ, આ તો મારી સાથે સરાસર અન્યાય છે.
મહિલાઃ શું મતલબ છે તમારો?
ભિખારીઃ આ પહેલાના સિગ્નલ પરના ભિખારીને તો તમે ૧૦ રૂપિયા આપ્યા હતા.
મહિલાઃ તને કેમ ખબર?
ભિખારીઃ હમણાં જ તેણે વોટ્સએપ મેસેજ
કર્યો છે.
•
ગુરુજીઃ જેમને સ્વર્ગમાં જવું હોય તે બધા હાથ ઉપર કરે.
ચંદુની પત્ની અને સાસુ બન્નેએ હાથ ઉપર કર્યા.
આ જોઇને તરત જ ગુરુજીએ ચંદુને પૂછ્યુંઃ ‘કેમ તારે સ્વર્ગમાં નથી જવું?’
ચંદુઃ આ બન્ને ઉપર જાય પછી તો મારા માટે ધરતી પર સ્વર્ગ જ છેને...
•
પતિઃ એક મહિનાથી રોજેરોજ દૂધી જ ખવડાવે છે. હવે એક મહિના સુધી હું દૂધી નહીં ખાઉં.
પત્નીઃ આવું ક્યારેય દારૂ માટે કેમ નથી કહેતા?
પતિઃ સારું, કાલે પણ દૂધી જ બનાવજે.
•
જમાઈ ઉંમરમાં નાના હોવા છતાં સાસરીયાંમાં જાય એટલે બધા તેમને ‘તમે’ જ કહે.
કેમ?
કારણ કે ભારતીય પરંપરામાં આજે પણ શહીદોનાં નામ સન્માનથી જ લેવામાં આવે છે.
•
છોકરી (શરમાઈને)ઃ પે’લા ત્રણ જાદુઈ શબ્દો બોલોને...
છોકરોઃ આબરા કા ડાબરા...
છોકરી (ગુસ્સામાં)ઃ તું તો સિંગલ જ મરવાનો છે, યાદ રાખજે...
•
સંતાઃ કહે તો લેડીઝ ફર્સ્ટ કહેવાનું શરૂ કેવી રીતે થયું હશે?
બંતાઃ ખબર નહીં. તું જ કહી દે...
સંતાઃ એક વાર એક પ્રેમીયુગલે પહાડ પરથી કૂદીને આત્મહત્યા કરવાનો નિર્ણય કર્યો. છોકરો પહેલા કૂદી ગયો, પરંતુ છોકરી કૂદી નહીં. બસ ત્યારથી લેડીઝ ફર્સ્ટની પ્રથા શરૂ થઇ ગઇ.
•
ગગો: આજ હું ઘરે નહીં આવી શકું, ડાર્લિંગ.
પત્ની: કેમ...
ગગો: કોઇ ચોર ગાડીનું સ્ટિયરિંગ, બ્રેક, ગિયર બધું ચોરી ગયું છે... કલાક પછી ગગાએ ફરી પાછો પત્નીને ફોન કર્યો.
ગગો: હું હમણાં ઘરે પહોંચુ છું, ડાર્લિંગ. હું તો ભૂલથી ગાડીની પાછળની સીટ પર બેસી ગયો હતો.
•
પતિએ પત્નીને કહ્યું: હું એક કોમેડી ફિલ્મ બનાવી રહ્યો છું. તેમાં લીડ હિરોઈનનો તારે જ ભજવવાનો છે.
પત્ની: લે, તારી ફિલ્મ હોય તો હું તો લીડ રોલ હું જ કરુંને, પણ મારે એમાં કરવાનું શું છે
પતિ: તારે ધીરે-ધીરે તળાવમાં ઉતરવાનું...
પત્ની (ઉત્સુકતાથી): અચ્છા, ફિલ્મનું નામ શું છે
પતિ: ગઈ ભેંસ પાણીમાં....
•
ભગો એક વાર ફ્લાઇટમાં ચેન્નાઈ જઈ રહ્યો હતો, ત્યાં એની બાજુની સીટમાં એક સુંદર મહિલા હતી.
ભગો: કયું પરફ્યુમ છે? મારે મારી પત્નીને ગિફ્ટ આપવી છે.
મહિલા: રહેવા દો, વગર ફોગટના કોઇ મવાલીને તમારી પત્ની સાથે વાત કરવાની તક મળી જશે.
•