….. અને અમિતાભ બચી ગયા

એક ચમત્કારિક ઘટનામાં અમિતાભ બચ્ચનનો જીવ બચી ગયો છે.મુંબઈના ગોરેગાંવમાં ૨૧ મેએ દિવસે ફિલ્મ સિટીમાં બે બાઈકસવારોએ આવીને સિક્યુરિટી કંપનીના માલિકને ગોળી મારી હતી. ફિલ્મ સિટીમાં જે સ્થળે આ ઘટના બની તેનાથી માંડ ૨૦ ફૂટ જ દૂર અમિતાભ બચ્ચન હતા. આ ઘટનાથી સ્તબ્ધ અમિતાભે ખુદ ટ્વીટર પર આ અંગે માહિતી આપી હતી.

અમિતાભે જણાવ્યું હતું કે, ‘ફિલ્મ સિટીમાં શૂટીંગ... અમારાથી માત્ર ૨૦ ફૂટના અંતરે ગેંગવોર શૂટઆઉટ થયું. એકનું મોત થયું છે અને ચોતરફ પોલીસ મોજુદ છે.’ અમિતાભે ગભરાટમાં એ શૂટઆઉટમાં એક વ્યક્તિનું મોત થયું હોવાનું જણાવ્યું છે, પરંતુ હુમલાનો શિકાર બનેલા સિક્યુરિટી કંપનીના માલિક ગંભીર રીતે ઘાયલ છે. તેમને નાણાવટી હોસ્પિટલમાં દાખલ કરવામાં આવ્યા છે.