ફિક્સિંગમાં મારી સામે કોઈ પુરાવા નથીઃ ધોની

આઇપીએલમાં ચેન્નઈ સુપર કિંગ્સની કેપ્ટનશિપ કરનાર ધોનીનું નામ હિતોના ટકરાવ અંગે સતત ચમકતું રહ્યું છે, જોકે તેણે છેલ્લે બે વર્ષથી આ અંગે ચુપકીદી સેવી રાખી હતી. અટકળો થતી રહી છે કે તેનું નામ આઇપીએલ સ્પોટ ફિક્સિંગ તથા સટ્ટાબાજી વિવાદમાં મુદગલ સમિતિના રિપોર્ટમાં ઉલ્લેખ કરાયેલા ૧૩ ખેલાડીઓમાં છે.
ઓસ્ટ્રેલિયા સામે સોમવારે રમાનારી ત્રિકોણીય શ્રેણીની મેચની પૂર્વ સંધ્યાએ ધોનીએ જણાવ્યું હતું કે ફિક્સિંગનો મામલો પૂરી થઈ ગયો હોવા છતાં કશુંક નવું તૈયાર કરી લેવાશે. ભારતીય ક્રિકેટની જ્યારે પણ ચર્ચા થાય છે ત્યારે મારું નામ સંડોવવામાં આવે છે તેની મને ખબર છે અને હું હવે આ બાબતથી ટેવાઈ ગયો છું.