સોનુ નિગમે ભિખારી બનીને ફૂટપાથ પર ગીતો ગાયાં

પ્રસિદ્ધ ગાયક સોનુ નિગમ તાજેતરમાં વૃદ્ધ ભિખારીના વેશમાં મુંબઈની ફૂટપાથ પર બેસીને ગીત ગાતો જોવા મળ્યો હતો. આ એક સામાજિક ઉપક્રમનો ભાગ હતો. જોકે મજાની વાત એ હતી કે આ સ્ટાર ગાયકને કોઈ ઓળખી શક્યું નહોતું. યુટ્યુબની એક ચેનલ માટે સોનુએ ‘રોજની દોડધામવાળા જીવનમાંથી કેટલાક ક્ષણ ઊભા રહીને આજુબાજુની સુંદર બાબતોને માણી છે કે?’ આ કલ્પના પર આધારિત સામાજિક ઉપક્રમમાં સહભાગ આપ્યો હતો. આ ઉપક્રમના એક ભાગરૂપ હાથમાં હાર્મોનિયમ લઈને સોનુ મુંબઈની ફૂટપાથ પર બેસીને ગીત ગાતો હતો. દરમિયાન આજુબાજુના લોકો આ શું ચાલી રહ્યું છે, એ ધ્યાનમાં લેતા નહોતા. વળી, અવાજ મધુર હોવાથી કેટલાક લોકો થોડી વાર માટે ઊભા રહ્યા હતા.