બાર્સેલોના ૫૦ કરોડ યૂરો કમાનારી ક્લબમાં સામેલ

યુરોપિયન ચેમ્પિયન બાર્સેલોના પણ હવે રિયલ મેડ્રિડ અને માન્ચેસ્ટર યુનાઇટેડ સાથે છેલ્લાં સત્રમાં ૫૦ કરોડ યૂરોની કમાણી કરનારા ફૂટબોલ ક્લબમાં સામેલ થઇ ગયું છે. આર્થિક સલાહકાર સંસ્થા ડેલોઇટે નવી ફૂટબોલ મની લીગમાં આ આંકડા બહાર પાડયા છે. રિયલ મેડ્રિડ કમાણી કરવા મામલે સતત ૧૧મી વખત ટોચના સ્થાને રહ્યું હતું અને તેની આ વર્ષની કમાણી ૫૭.૭ કરોડ યૂરો રહી હતી. રિયલ મેડ્રિડની આવકમાં મુખ્ય રીતે વધારો ૨૨.૭ કરોડના વ્યવસાયિક આવકને કારણે થયો છે.