૧૧ વર્ષીય સાન્યા વર્માની પ્રતિભાઃ ઉચ્ચતમ મેન્સા સ્કોર હાંસલ કર્યાં

લંડનઃ બ્રિટિશ ભારતીય બાળકો અકલ્પનીય લક્ષ્યાંકો હાંસલ કરવાની કુદરતી શક્તિઓ ધરાવે છે. બુદ્ધિશાળી બાળકોની વાત કરીએ ત્યારે ભારતીય બાળકો સૌપ્રથમ ધ્યાને આવે છે. ૧૧ વર્ષીય સાન્યા આવી જ પ્રતિભાશાળી મૂળ ભારતીય છે, જેણે મેન્સાના બન્ને ટેસ્ટમાં ઊંચો સ્કોર (Cattell III B Scale- 162 and Culture Fair Scale- 142) હાંસલ કર્યો છે. સાન્યાએ તેના કી સ્ટેજ ૨ SATમાં ઈંગ્લિશ અને મેથેમેટિક્સમાં લેવલ-૬ મેળવ્યું છે. તે સીનિયર સ્કૂલમાં પણ અભૂતપૂર્વ પ્રદર્શન કરી રહી છે.

અભ્યાસમાં તેજસ્વી હોવાની સાથોસાથ સાન્યાને સંગીત પ્રત્યે પણ લગાવ છે. આ ઉપરાંત, વાંચન, રોબોટિક્સ અને ચેસ રમવામાં પણ તેને ભારે રસ છે. પુત્રી માટે ગર્વ અનુભવતી માતા સુનિતા વર્મા કહે છે કે,‘અમારા માટે આ ગર્વની પળ છે અને મને લાગે છે કે આવા અદ્ભૂત લક્ષ્યો પ્રાપ્ત કરવામાં સતત પ્રોત્સાહન અને ટેકો આપનારા સમુદાય માટે પણ ગર્વની જ પળ હશે તેમ હું માનું છું.’