ટોરન્ટોના સ્ટ્રીટ ફેસ્ટિવલમાં ગોળીબારઃ બેનાં મોત, 6 ઘાયલ
ટોરોન્ટો શહેરમાં શનિવારે રાત્રે સાલ્સા ઓન સેન્ટ ક્લેર એન્યુઅલ ફેસ્ટિવલ દરમિયાન એક વ્યક્તિએ આડેધડ ગોળીબાર કરતાં બે લોકોના ઘટનાસ્થળે જ મોત થયા હતા તેમજ અન્ય 6 ઘાયલ થયા હતા.
ટોરોન્ટો શહેરમાં શનિવારે રાત્રે સાલ્સા ઓન સેન્ટ ક્લેર એન્યુઅલ ફેસ્ટિવલ દરમિયાન એક વ્યક્તિએ આડેધડ ગોળીબાર કરતાં બે લોકોના ઘટનાસ્થળે જ મોત થયા હતા તેમજ અન્ય 6 ઘાયલ થયા હતા. પોલીસે સમગ્ર વિસ્તારમાં ઘેરાબંધી કરીને તપાસ હાથ ધરી હતી. હુમલાખોરો હજુ ફરાર છે. હુમલાખોર એકલો હતો કે એકથી વધુ લોકોએ હુમલો કર્યો હતો તે પણ પોલીસ હજુ જાણી શકી નથી. ટોરોન્ટો પોલીસના જણાવ્યા પ્રમાણે તેમને શનિવારે રાત્રે સેન્ટ ક્લેર એવન્યૂ ખાતે એક્ટિવ શૂટરના રિપોર્ટ મળ્યા હતા. પોલીસ ઘટનાસ્થળે પહોંચી ત્યાં સુધીમાં બે ઇજાગ્રસ્તોને મૃત જાહેર કરી દેવાયા હતા.