પોલીશ હાર્ટ ડોક્ટર અંગ્રેજીની પરીક્ષામાં ત્રણ વખત નાપાસ 02/11/2015 7:21 am Achyut Sanghavi લંડનઃ બ્રિટનમાં ૨૦૦૬થી ડોક્ટર તરીકે કામગીરી બજાવતા ૫૬ વર્ષીય પોલીશ નાગરિક ડો. ટોમાસ્ઝ ફ્રીલેવિસ્ઝને તેમના અંગ્રેજી ભાષા પરના નબળા કાબુના લીધે યુકે મેડિકલ રજિસ્ટરમાંથી નામ ગુમાવવું પડશે. ભાષાકીય અંકુશોનો સામનો કરનારા તેઓ પ્રથમ યુરોપીય વિદેશી હંગામી ડોક્ટર છે. જોકે, જનરલ મેડિકલ કાઉન્સિલે તેમને અંગ્રેજી ભાષા સુધારવા ૧૨ મહિનાની મુદત આપી છે. આ પછી તેમણે ફરી પરીક્ષા આપવાની રહેશે.
બાય-ટુ-લેટની નીતિમાં ફેરફાર મકાનમાલિકો માટે બીજો ફટકો 02/11/2015 7:21 am Achyut Sanghavi લંડનઃ ભાડે આપવા માટે જ મકાન ખરીદતા મકાનમાલિકોને પ્રાપ્ત ઉદાર કરરાહતોમાં કાપ મૂકાશે તે સમાચારોની કળ વળી નથી ત્યાં તો બાય-ટુ-લેટની નીતિમાં આવી રહેલા ફેરફાર મકાનમાલિકો માટે બીજો ફટકો બની રહેશે. હાઉસિંગ બજાર પર નિયંત્રણ રાખવા બેન્ક ઓફ ઈંગ્લેન્ડને વધુ સત્તા અપાશે, જેનાથી મકાનમાલિકોને મોર્ગેજ મેળવવાનું વધુ મુશ્કેલ બનશે. બેન્કે અગાઉ ચિંતા દર્શાવી છે કે ૨૦૦૮થી ૪૦ ટકાની વૃદ્ધિ પામેલું બાય-ટુ-લેટ બજાર વ્યાપક અર્થતંત્રને જોખમમાં મુકી રહ્યું છે.
મિલાપફેસ્ટ દ્વારા યુકેમાં પ્રથમ નેશનલ ઈન્ડિયન આર્ટ્સ એવોર્ડ્સ 02/11/2015 7:22 am Achyut Sanghavi લંડનઃ ભારતીય કળાક્ષેત્રમાં કાર્યરત કળા વ્યાવસાયિકોની નિષ્ઠાને સન્માનવા તેમ જ યુવા કળાકારોની મહેનત અને ધગશને ઉજવવા યુકેના ઈન્ડિયન આર્ટ્સ ડેવલપમેન્ટ ટ્રસ્ટ ‘મિલાપફેસ્ટ’ દ્વારા નેશનલ ઈન્ડિયન આર્ટ્સ એવોર્ડની સ્થાપના કરવામાં આવી છે. ગુરુવાર, આઠ ઓક્ટોબરે લંડનના નેહરુ સેન્ટરમાં એવોર્ડ સમારંભનું આયોજન થયું હતું. એવોર્ડ્સને આર્ટ્સ કાઉન્સિલ ઈંગ્લેન્ડનો ટેકો પ્રાપ્ત થયો હતો.
મુસ્લિમ પુરુષો ૨૦ બાળક જેટલા ધરાવે છેઃ બેરોનેસ કોક્સની ચેતવણી 02/11/2015 7:22 am Achyut Sanghavi લંડનઃ બહુપત્નીત્વના કારણે કેટલીક કોમ્યુનિટીઓમાં મુસ્લિમ પુરુષો દરેક પત્ની દ્વારા ૨૦ બાળક ધરાવતા હોવાનું ક્રોસ બેન્ચ ઉમરાવ બેરોનેસ કેરોલિન કોક્સે જણાવ્યું છે, બેરોનેસે આપેલી ચેતવણી અનુસાર શરિયા કાયદાના કારણે મુસ્લિમ સ્ત્રીઓ આઘાતજનક ભેદભાવનો શિકાર બની રહી છે. માત્ર ત્રણ વખત તને તલ્લાક આપું છું બોલીને પુરુષો સ્ત્રીઓ સાથે લગ્નને ફોક કરી શકે છે. આ બાળકો આગળ જતા કટ્ટરવાદ સાથે સંકળાઈ શકે છે.
