ભેદભાવ અને અત્યાચારનો શિકાર ભારતીય ઘરનોકરને £૧૮૩,૭૭૩નું વળતર 28/09/2015 8:07 am Achyut Sanghavi લંડનઃ એમ્પ્લોયમેન્ટ ટ્રિબ્યુનલે લેન્ડમાર્ક ચુકાદામાં નીચલા વર્ણની ભારતીય ઘરનોકર પ્રેમિલા તિર્કેને £૧૮૩,૭૭૩નું વળતર ચુકવવા પૂર્વ નોકરીદાતાઓ અને બ્રિટિશ ભારતીય અજય અને પૂજા ચંડોકને આદેશ કર્યો છે. પ્રેમિલા પાસેથી દિવસના ૧૮ કલાક કામ લેવાતું હતું અને કલાકદીઠ માત્ર ૧૧ પેન્સ મહેનતાણુ ચુકવાતું હતું. નીચલા કે દલિત વર્ગના ભારતીયોને રક્ષણ આપતાં જાતિ ભેદભાવ કાયદા અન્વયે આ સીમાચિહ્ન ચુકાદો છે.
અપેક્ષિત આયુમર્યાદામાં બ્રિટિશ મહિલા EU ૧૫ જૂથમાં ૧૪મા ક્રમે 28/09/2015 8:08 am Achyut Sanghavi લંડનઃ વિશ્વ આરોગ્ય સંસ્થાએ ચેતવણી આપી છે કે પશ્ચિમ યુરોપમાં અપેક્ષિત આયુમર્યાદામાં બ્રિટિશ મહિલાનું સ્થાન તળિયેથી બીજા ક્રમે એટલે કે EU ૧૫ રાષ્ટ્રજૂથમાં તેનો ૧૪મો ક્રમ છે. મહિલા મૃત્યુદરમાં તેનો ક્રમ સ્લોવેનિયાથી પણ ખરાબ, જ્યારે ડેન્માર્કથી થોડો આગળ છે. પાંચ વર્ષ અગાઉ જન્મેલી બાળકીનું આયુષ્ય બ્રિટનમાં ૮૨.૭ વર્ષ, જ્યારે સ્પેન, ફ્રાન્સ અને ઈટાલીમાં અનુક્રમે ૮૫.૫ વર્ષ, ૮૫.૪ વર્ષ અને ૮૫ વર્ષ જીવવાની અપેક્ષા રાખી શકે છે. પૂર્વ યુરોપના સ્લોવેનિયામાં અપેક્ષિત આયુષ્ય ૮૩.૨ વર્ષનું છે. યુકેમાં પુરુષની અપેક્ષિત આયુમર્યાદા ૭૮.૮ વર્ષની છે, જે પશ્ચિમ યુરોપમાં ટોચના છઠ્ઠા ક્રમે છે.
ગંભીર મધુમિતા માંડલને સારવાર આપવામાં નિષ્ફળતાએ મોત અપાવ્યું 28/09/2015 8:08 am Achyut Sanghavi લંડનઃ મરણપથારીએ હોય તેવી બીમાર મધુમિતા માંડલને ખાસ કોઈ બીમારી ન હોવાનું નિદાન કરી નાના ખાનગી સેન્ટરમાં સારવાર માટે મોકલી અપાયાં પછી ઓર્ગન ફેઈલ્યોરથી તેનું મોત થયું હોવાનું ક્રોયડન કોરોનર કોર્ટ દ્વારા ઈન્ક્વેસ્ટમાં બહાર આવ્યું છે. કોરોનર ડોક્ટર સેરેના લિન્ચે લાંબા ચુકાદામાં જણાવ્યું હતું કે,‘જીવન બચાવવા માટે સમયનું મહત્ત્વ છે અને ઘણી મિનિટ્સનો દુર્વ્યય થયો હતો. આમ છતાં, વહેલા મૂલ્યાંકનથી તેમનો જીવ બચાવી શકાયો હોત તેમ પુરાવાઓથી સાબિત થતું નથી.’
