મોદીજી આગામી ત્રણ વર્ષમાં પોતાના બધા વચન પૂરા કરશે: સુબ્રમણ્યન સ્વામી 16/02/2016 2:08 pm Kamal Rao 'વડાપ્રધાન નરેન્દ્રભાઇ મોદી આગામી ત્રણ વર્ષના શાસન કાળમાં રામ મંદિર નિર્માણ, કાશ્મિરની વિવાદીત કલમ ૩૭૦ની નાબુદી સહિતના અન્ય વચનો પૂર્ણ કરશે. જો પાકિસ્તાન સાથે યુધ્ધ થયું તો ભારત પાકિસ્તાનના ચાર ટૂકડા કરશે અને જો પાકિસ્તાન અણુબોંબનો ઉપયોગ કરશે તો પાકિસ્તાન પૃથ્વીના નક્શા પરથી ભુંસાઇ જશે' એમ ભારતીય જનતા પાર્ટીના અગ્રણી નેતાશ્રી સુબ્રમણ્યન સ્વામીએ 'ગુજરાત સમાચાર એશિયન વોઇસ' સાથેની એક એક્સકલુઝીવ મુલાકાતમાં જણાવ્યું હતું. શ્રી સ્વામીએ 'ગુજરાત સમાચાર અને એશિયન વોઇસ' કાર્યાલયની મુલાકાઇ બન્ને અખબારોના પ્રકાશન અંગેની માહિતી મેળવી 'ગુજરાત સમાચાર અને એશિયન વોઇસ' સાથેના પોતાના જુના સંસ્મરણો અને ૧ અોક્ટોબર ૧૯૮૨ના 'ન્યુ લાઇફ'ના અંકમાં છપાયેલી પોતાની મુલાકાતના સંસ્મરણોને તાજા કર્યા હતા.
ટેક્સ ગેરરીતિના નાણા ન ચુકવાતા ૧૦ વર્ષની જેલ 16/02/2016 2:19 pm Achyut Sanghavi બર્મિંગહામઃ ‘ધ જનરલ’ નામથી ઓળખાતા ટેક્સ ફ્રોડ મોહમ્મદ સુલેમાન ખાને ૨.૨ મિલિયન પાઉન્ડ સરકારને પરત કરવાનો ઈનકાર કરતા બર્મિંગહામ મેજિસ્ટ્રેટ્સ કોર્ટે તેને વધુ ૧૦ વર્ષ જેલની સજા ફરમાવી હતી.
મૃત્યુ મરી ગયાની કથા એટલે પોલ કલાનિથિના સંસ્મરણો 16/02/2016 2:19 pm Achyut Sanghavi આખરી તબક્કાના કેન્સરના કારણે માથે તોળાતા મોતનો સામનો કરી રહેલા ન્યુરોસર્જન પોલ કલાનિથિએ કેન્સરના પેશન્ટ તરીકે જિંદગીના શેષ રહેલાં અમૂલ્ય સમય કેવી રીતે વીતાવ્યો તેની કથા પોતાના સંસ્મરણો ‘વ્હેન બ્રેથ બીકમ્સ એર’માં વર્ણવી છે. પુત્રીના જન્મની ઉજવણી અને મૃત્યુના આગમનનો ભય- આ બન્ને વસ્તુ સુંદર રીતે સાથે મૂકાઈ છે. મરણાસન્ન વ્યક્તિએ કેવી રીતે જીવન માણવું જોઈએ તે શીખવાના પ્રયાસની આ કથા છે.
સીઆઈઓના સ્થાપક તારાકુમાર મુખરજીની ચિરવિદાય 16/02/2016 2:19 pm Achyut Sanghavi લંડનઃ કોન્ફેડરેશન ઓફ ઈન્ડિયન ઓર્ગેનાઈઝેશન્સ (CIO)ના સ્થાપક અને પ્રમુખ તારા કુમાર મુખરજીનું તારીખ ૧૧ ફેબ્રુઆરી, ૨૦૧૬, ગુરુવારે સવારે નિધન થયું હતું. તેઓ ૯૨ વર્ષના હતા.
બળાત્કારની ૩૦ ટકા પીડિતાની ઉંમર ૧૬ વર્ષથી પણ ઓછી 16/02/2016 2:19 pm Achyut Sanghavi લંડનઃ ઈંગ્લેન્ડ અને વેલ્સમાં લગભગ ૮,૦૦૦ બળાત્કારમાં ૧૬ વર્ષથી ઓછી વય ધરાવતી છોકરીઓ સંકળાયેલી છે, જે કુલ બળાત્કારના ૩૦ ટકા જેટલું છે. નોંધાયેલા જાતીય હુમલાઓમાં વય અને જાતિ અંગે ઓફિસ ફોર નેશનલ સ્ટેટેસ્ટિક્સ (ONS)ના પ્રથમ સત્તાવાર રિપોર્ટ અનુસાર ઘણી છોકરીઓની વય ૧૦ વર્ષથી પણ ઓછી હતી. અન્ય રેકોર્ડેડ જાતીય ગુનામાં અડધી પીડિતાની વય પણ ૧૬ વર્ષથી નીચે હતી. ONSના ડેટા અનુસાર ગત માર્ચમાં પૂરા થયેલા વર્ષમાં પોલીસ દ્વારા નોંધાયેલા સેક્સ્યુઅલ ગુનાની સંખ્યા કુલ ૮૮,૧૦૬ હતી, જે ૨૦૦૨ પછીના ડેટામાં સૌથી વધુ છે.
કાપડિયાને ‘એમી’ માટે બાફ્ટા એવોર્ડ 16/02/2016 2:19 pm Achyut Sanghavi લંડનઃ બ્રિટન ભારતીય ડીરેકટર આસિફ કાપડિયાને ભારે પ્રશંસા પામેલી ડોક્યુમેન્ટરી ‘એમી’ માટે બાફ્ટા એવોર્ડ મળ્યો છે. લંડનના રોયલ ઓપરા હાઉસ ખાતે આયોજિત ભવ્ય એવોર્ડ સમારંભમાં કાપડિયાને પ્રતિભાશાળી ગાયિકા એમી વાઇનહાઉસ વિશેની ફિલ્મને બેસ્ટ ડોક્યુમેન્ટરીનો એવોર્ડ અપાયો હતો. આ ડોક્યુમેન્ટરીએ સ્પર્ધામાં રહેલ અન્ય ફિલ્મો ‘કાર્ટેલેન્ડ, હી નેમ્ડ મી મલાલા, લીસન ટુ મી માર્લન અને શેરપાને પરાજીત કરી હતી.
ત્રાસવાદી અબુ હમઝાની પુત્રવધુ બ્રિટનમાંથી હદપાર નહિ થાય 16/02/2016 1:43 pm Achyut Sanghavi લંડનઃ યુરોપિયન કોર્ટે ઈસ્લામિક ત્રાસવાદી અબુ હમઝાની ક્રિમિનલ ભૂતકાળ ધરાવતી મોરોક્કન પુત્રવધુને માનવ અધિકારના નિયમો આગળ ધરી બ્રિટનમાંથી તેને હદપાર કરી ન શકાય તેવો ચુકાદો આપ્યો છે. અબુ હમઝા બેલમાર્શ જેલમાં રખાયો હતો ત્યારે તેને મોબાઈલ સિમ કાર્ડ પહોંચાડવાના પ્રયાસમાં એક સંતાનની માતાને ૨૦૧૨માં એક વર્ષની સજા કરાઈ હતી. અબુ હમઝાના પુત્ર સાથે લગ્ન કરી તે ૨૦૦૩માં બ્રિટન આવી હતી. સાંસદો અને કેમ્પેઈનર્સે દલીલ કરી છે કે આવી હાસ્યાસ્પદ સ્થિતિનો અંત લાવવાનો એક માત્ર માર્ગ ઈયુમાંથી બહાર નીકળવાનો છે. હોમ એફેર્સ સિલેક્ટ કમિટીના ચેરમેન અને લેબર સાંસદ કિથ વાઝે પણ રાષ્ટ્રીય સુરક્ષા અંગે ચિંતા વ્યક્ત કરી હતી.
માત્ર એક સપ્તાહની ટુંકી નોટિસથી કેર હોમના બિલ વધારી દેવાય છે 16/02/2016 1:43 pm Achyut Sanghavi લંડનઃ કેર હોમના ખર્ચામાં જંગી વધારાના કારણે વૃદ્ધ લોકોને હોમમાંથી બહાર નીકળવું પડે તેવી પરિસ્થિતિ સર્જાઈ છે. સિટિઝન્સ એડવાઈઝ સંસ્થાના અનુસાર ગેરવાજબી કોન્ટ્રાક્ટ્સ અને છુપા ખર્ચા થકી હજારો વૃદ્ધ રેસિડેન્ટ્સનું શોષણ થાય છે. ૨૦,૦૦૦થી વધુ પેન્શનરને વધેલા ખર્ચા અંગે માત્ર એક સપ્તાહની નોટિસ અપાય છે. હકાલપટ્ટીનું જોખમ ટાળવા તેમના પરિવારોએ દેવું કરવાની પણ ફરજ પડે છે.
