ચેરિટીઝ પ્રજાના નાણા લોબીઈંગ માટે વાપરી નહિ શકે 16/02/2016 1:43 pm Achyut Sanghavi લંડનઃ સરકાર પાસેથી ગ્રાન્ટ મેળવતી ચેરિટીઝ રાજકીય લોબીઈંગમાં કરદાતાના નાણાનો ઉપયોગ કરી નહિ શકે. તમામ નવા અને રિન્યુ થનારા ગ્રાન્ટ એગ્રીમેન્ટ્સમાં નવી જોગવાઈનો સમાવેશ કરાશે, જેથી કરદાતાના ભંડોળનો ઉપયોગ લોકોના જીવનને સુધારવા અને સારા ઉદ્દેશો માટે જ કરી શકાશે.
સીરિયામાં ગરમ પાણી અને સુવિધા ન મળતાં જેહાદી બ્રિટન પાછો આવ્યો 16/02/2016 2:19 pm Achyut Sanghavi લંડનઃ જેહાદી તરીકે Isisમાં જોડાઈ લડવા માટે સીરિયા જવાનું બધાને માફક આવતું નથી. સીરિયામાં ગરમ પાણી, ખરાબ ભોજન તેમજ રહેઠાણ સહિત અન્ય સુવિધાના અભાવથી ત્રાસી ગયેલા મોહમ્મદ ઉદ્દીનનો ભ્રમ ભાંગી ગયો હતો અને તે ઈસ્લામિક સ્ટેટ છોડીને બ્રિટન પાછો આવી ગયો હતો. ઈસેક્સના બાર્કિંગના ૩૦ વર્ષીય ઉદ્દીને ત્રાસવાદી કૃત્યોની તૈયારીના આરોપ સ્વીકારી લીધા પછી વુલીચ ક્રાઉન કોર્ટે સાત વર્ષના કારાવાસની સજા ફરમાવી હતી.
‘ધ ઈન્ડિપેન્ડન્ટ’ ડિજિટલ ક્રાંતિનો શિકાર 16/02/2016 1:43 pm Achyut Sanghavi લંડનઃ બ્રિટનમાં મોટા અખબારોમાં એક ‘ધ ઈન્ડિપેન્ડન્ટ’ ડિજિટલ ક્રાંતિનો પહેલો શિકાર બન્યું છે. આગામી મહિનાથી લોકપ્રિય અખબારની દૈનિક આવૃત્તિ ૨૭ માર્ચથી અને સન્ડે આવૃત્તિ ૨૧ માર્ચથી ન્યૂઝ સ્ટેન્ડ્સ પર દેખાતી બંધ થઈ જશે. આ સાથે તેમાં ૧૦૦ લોકો નોકરી ગુમાવશે.
પેન્શનરોનું આયુષ્ય વધ્યું અને તંદુરસ્તી ઘટી 16/02/2016 1:43 pm Achyut Sanghavi લંડનઃ પબ્લિક હેલ્થ ઈંગ્લેન્ડના સંશોધકોએ લોકો ચોક્કસ ઉંમરે પહોંચ્યા પછી કેટલું લાંબુ જીવી શકે તેની ગણતરી કરી છે. જોકે, તેમનું આયુષ્ય વધવા સાથે તેમની તંદુરસ્તીમાં ઘટાડો પણ જોવા મળ્યો છે. તેના ડેટા અનુસાર ૬૦-૬૯ વયજૂથના લોકો માટે અપેક્ષિત આયુમર્યાદા સૌથી ઊંચી જણાઈ હતી. આ સંશોધન લગભગ તમામ વયના સ્ત્રી અને પુરુષ માટે સૌથી ઊંચી અપેક્ષિત આયુમર્યાદાના આંકડા દર્શાવે છે. ૬૫ વર્ષના સ્ત્રી અને પુરુષ બન્ને માટે ૨૦૧૩ અને ૨૦૧૪માં અપેક્ષિત આયુમર્યાદામાં ૦.૩ વર્ષ અને તેનાથી વધુ વયના સ્ત્રી-પુરુષ માટે ૦.૨ વર્ષનો વધારો થયો છે.
સોનામાં રોકાણ સાથે વધેલો ચળકાટ 16/02/2016 2:19 pm Achyut Sanghavi લંડનઃ નર્વસ બ્રિટિશ રોકાણકારોએ કિંમતી ધાતુ સોનાના પાટ અને સિક્કામાં રોકાણનું પ્રમાણ વધારી દીધુ છે. બોન્ડ અને ઈક્વિટી બજારમાં નાણાકીય અસ્થિરતાના પગલે સોનાની કિંમતમાં આ વર્ષે ૧૮ ટકાનો વધારો જોવાયો છે. ગત બે વર્ષમાં સોનાની કિંમતો યુએસ વ્યાજ દરમાં વધારાની અપેક્ષા તેમજ ડોલરના મૂલ્યના ઉછાળાના પરિણામે નીચી રહી હતી.
મેકકિન્સેની સલાહના ૨૪૦,૦૦૦ પાઉન્ડના તોતિંગ બિલથી ઉહાપોહ 16/02/2016 2:59 pm Achyut Sanghavi લંડનઃ ખાધ ઘટાડવા માટે હજારો સિવિલ સર્વન્ટ્સની હકાલપટ્ટીની સલાહ મિનિસ્ટરોને આપનારી મેનેજમેન્ટ કન્સલ્ટન્સી સંસ્થા મેકકિન્સેને સાપ્તાહિક ૮૦,૦૦૦ પાઉન્ડના ધોરણે ચુકવણી કરાતા ભારે ઉહાપોહ મચ્યો છે. મેકકિન્સે દ્વારા બિઝનેસ વિભાગને ત્રણ સપ્તાહની સલાહના કુલ ૨૪૦,૦૦૦ પાઉન્ડનું બિલ મોકલી અપાતા સાંસદોએ તીવ્ર વિરોધ કર્યો હતો. જોકે, બિઝનેસ સેક્રેટરી સાજિદ જાવિદે આ ચુકવણીનો બચાવ કર્યો હતો.
ફ્યુલના ગેરકાયદે વેચાણ બદલ સજા 16/02/2016 2:19 pm Achyut Sanghavi લંડનઃ વાહનચાલકોને હજારો લિટર ગેરકાયદે ડિઝલનું વેચાણ કરી આશરે ૨૦૦,૦૦૦ પાઉન્ડના ટેક્સની ચોરી કરવા બદલ બ્લેકબર્નના પેટ્રોલ સ્ટેશનના માલિક નવાઝ જાન વિરમાનીને પ્રેસ્ટન ક્રાઉન કોર્ટે નવ ફેબ્રુઆરીએ ૧૬ મહિનાની જેલની સજા ફરમાવી છે. HMRCના અધિકારીઓએ જૂન ૨૦૧૩માં તેના શેડ્સવર્થ રોડ સર્વિસ સ્ટેશન પર દરોડો પાડી ૨,૮૪૩ લિટર ડિઝલનો ગેરકાયદે જથ્થો જપ્ત કર્યો હતો.
સારાહ ફર્ગ્યુસને સ્વિસ રેસિડેન્સી માગી 16/02/2016 2:19 pm Achyut Sanghavi લંડનઃ પ્રિન્સ એન્ડ્રયુના પૂર્વ પત્ની સારાહ ફર્ગ્યુસને ટેક્સ હેવન સ્વિટ્ઝર્લેન્ડના કાયમી રહેવાસી બનવા માટે અરજી કરી છે. તેમણે આ દેશને પોતાનુ ઘર ગણાવ્યું હતું. ડચેસ ઓફ યોર્ક સારાહે તેના પૂર્વ પતિ એન્ડ્રયુની સાથે ૨૦૧૪માં ૧૩ મિલિયન પાઉન્ડ કિંમતની સ્કી શેલે હેલોરા ખરીદી હતી અને હમણા ત્યાં રહેવા ગયા છે.
યુકેમાં મંદીનું જોખમ શૂન્યઃ ગોલ્ડમેન સાસ 16/02/2016 2:19 pm Achyut Sanghavi લંડનઃ યુએસ ઈન્વેસ્ટમેન્ટ બેન્ક ગોલ્ડમેન સાસના નવા ક્રાઈસિસ અભ્યાસમાં આગામી બે વર્ષ દરમિયાન બ્રિટનને આર્થિક કટોકટીનો સામનો કરવી પડે તેવું જોખમ શૂન્ય હોવાની આગાહી કરાઈ છે. મુખ્ય વિકસિત દેશોની સરખામણીએ બ્રિટન સલામત હોવાનું અભ્યાસ કહે છે.
