પાંચ લાખ મકાનોથી બજાર ઉભરાશે 05/02/2016 5:59 am Achyut Sanghavi લંડનઃ ચાન્સેલર જ્યોર્જ ઓસ્બોર્ન ટેક્સ રાહતોના અંત સાથે બીજા મકાન પર સ્ટેમ્પ ડ્યૂટી લાદવાના છે તેવી પરિસ્થિતિમાં મકાનમાલિકો હસ્તકની પાંચ લાખ જેટલી બાય ટુ લેટ પ્રોપર્ટીઝ આગામી ૧૨ મહિનામાં બજારમાં વેચાણ માટે આવવાની શક્યતા છે.
કાયદાક્ષેત્રે સ્ત્રીઓનું પ્રભુત્વ વધશે 05/02/2016 5:51 am Achyut Sanghavi લંડનઃ દેશના વર્કફોર્સમાં સ્ત્રીનો અડધોઅડધ હિસ્સો હશે, પરંતુ તેઓ મુખ્યત્વે વેઈટ્રેસ, રીટેઈલ વર્કર્સ અને વહીવટી સહાયક જેવી ઓછા પગારની તળિયાની નોકરીઓમાં વધુ સંકળાયેલી હોય છે. જોકે, હવે પરિસ્થિતિ બદલાઈ છે. સ્ત્રીઓ વધુ શિક્ષણ સાથે પ્રોફેશનલ નોકરીઓમાં આવી રહી છે. વાસ્તવમાં ૨૦૨૦ સુધીમાં તમામ સોલિસીટર્સમાં તેમનો હિસ્સો અડધાથી વધુ હશે. સૌપ્રથમ વખત સ્ત્રીઓ આ વ્યવસાયમાં બહુમતી ધરાવતી થશે.
ડોક્ટરે વૃદ્ધ પેશન્ટના ઘોંઘાટિયા પડોશીઓ માટે ઊંઘની ગોળી આપી! 05/02/2016 5:51 am Achyut Sanghavi લંડનઃ ડો. એલેકઝાન્ડર મૂનરો રાત્રે નિદ્રા નહિ આવવાની ફરિયાદ કરનારી વૃદ્ધ મહિલા પેશન્ટને ઊંઘની ૨૮ ઝોપિક્લોન પિલ્સ આપવા બદલ મુશ્કેલીમાં મૂકાયા છે કારણકે આ પિલ્સ પડોશીઓ શાંત રહે તે માટે અપાઈ હતી. વૃદ્ધાની ફરિયાદ હતી કે તેના પડોશીઓના શોરબકોર અને ઘોંઘાટિયા મ્યુઝિકના કારણે તેને ઊંઘ આવતી નથી. પડાશીઓ દ્વારા ફરિયાદ થતા મેડિકલ પ્રેક્ટિશનર્સ ટ્રિબ્યુનલ સર્વિસ દ્વારા ડો. મૂનરો સામે સુનાવણી હાથ ધરાઈ છે.
કેમરનને ‘ઈસ્લામોફોબ’ ગણાવ્યા પછી કાઉન્સિલરનું રાજીનામું 05/02/2016 5:51 am Achyut Sanghavi બર્મિંગહામઃ વડા પ્રધાન ડેવિડ કેમરનને ‘ઈસ્લામોફોબ’ ગણાવતી ટીકા પછી ભારે દબાણના પગલે બર્મિંગહામના ૭૨ વર્ષીય વરિષ્ઠ લેબર કાઉન્સિલર, લોર્ડ મેયર ઉમેદવાર તેમજ બર્મિંગહામ સેન્ટ્રલ મસ્જિદના ચેરમેન મુહમ્મદ અફઝલને રાજીનામું આપવાની ફરજ પડી છે. રાજકારણી અફઝલે એવી પણ ટીકા કરી હતી કે બહુમતી ખ્રિસ્તીઓ શરાબી હોવાથી ઘરેલુ હિંસાનું પ્રમાણ વધુ રહે છે.
કોર્ટમાં બુરખાની પરવાનગી આપી ન શકાયઃ લોર્ડ ન્યુબર્ગર 05/02/2016 5:52 am Achyut Sanghavi લંડનઃ બ્રિટનના સૌથી વરિષ્ઠ જજ લોર્ડ ન્યુબર્ગરે મહિલાઓને કોર્ટ્સમાં બુરખા પહેરવાની પરવાનગી નહિ આપવા જણાવ્યું છે. પુરાવાને પડકારાયો હોય કે સાક્ષી તરીકે વિશ્વસનીયતાનો પ્રશ્ન હોય ત્યારે સાક્ષીઓને ચહેરો ઢાંકવા દેવાય નહિ તેમ લોર્ડે ન્યુબર્ગરે એક અખબારી મુલાકાતમાં કહ્યું હતું. તેમણે શરીઆ કાયદાની સમીક્ષા મુદ્દે હોમ સેક્રેટરી થેરેસા મેને જાહેર સમર્થન આપ્યું હતું.
