Quake rocks Taiwan, more than 40 killed 10/02/2016 5:08 am Mitul Paniker An earthquake brought down buildings in Tainan city, south Taiwan, resulting in 40 confirmed deaths as per sources.
મુખ્ય પ્રધાનનાં દીકરી જમીનકૌભાંડમાં સંડોવાયેલા છેઃ કોંગ્રેસ 10/02/2016 6:07 am Khushali Dave મુખ્ય પ્રધાન આનંદીબહેન પટેલ મહેસૂલ પ્રધાન હતાં ત્યારે અમરેલી જિલ્લાના ધારી તાલુકાના પાટલા ગામે અનાર પટેલની સહભાગીદારીની વાઇલ્ડ વૂડ રિસોર્ટ્સ એન્ડ રિયાલિટી પ્રા. લિ.એ તબક્કાવાર ૨૪૫.૬૫ એકર જમીન હસ્તગત કર્યા બાદ બાકીના સર્વે નંબર ૨૫માંથી ૧૭૬.૭૭ એકર જમીન મળીને કુલ ૪૨૨.૩૯ એકર જમીન મેળવવાનું કૌભાંડ આચર્યું હોવાનો આક્ષેપ કોંગ્રેસના પૂર્વ પ્રમુખ અર્જુન મોઢવાડિયાએ કર્યો છે. પ્રદેશ કોંગ્રેસના પીઢ અગ્રણીએ ચોથી ફેબ્રુઆરીએ અમદાવાદમાં એક પત્રકાર પરિષદ યોજીને આ આક્ષેપ કરતાં વિવાદનો વંટોળ ઉઠ્યો છે. કોંગ્રેસના રાષ્ટ્રીય પ્રવક્તા આનંદ શર્માએ નવી દિલ્હીમાં એક પત્રકાર પરિષદ યોજીને આનંદીબહેનનાં રાજીનામાંની અને આ જમીનકૌભાંડ અંગે સ્પેશ્યલ ઇન્વેસ્ટિગેશન ટીમ (એસઆઇટી - ‘સીટ’) રચવાની માગ કરી છે.
હાર્દિક પટેલને જામીન એટલે શાંતિને અલવિદાઃ રાજ્ય સરકારની કોર્ટમાં એફિડેવિટ 10/02/2016 6:15 am Khushali Dave પાટીદાર સંગઠનના કન્વીનર હાર્દિક પટેલ પર ચાલી રહેલા રાજદ્રોહના કેસમાં સોમવારે મુખ્ય જિલ્લા સરકારી વકીલ નયન સુખડવાલાએ કોર્ટ સમક્ષ રજૂ કરેલા સોગંદનામામાં આરોપી હાર્દિકની જામીન અરજીનો વિરોધ કરતાં કરતાં કહ્યું હતું કે, હાલના આરોપી રાજદ્રોહ જેવા ગંભીર પ્રકારના ગુનાનો આરોપી છે. આરોપી સામે પૂરતા પુરાવા છે. આ કેસમાં હજી અગત્યના સાક્ષીઓના પુરાવા લેવાના બાકી છે. તેથી કોર્ટ દ્વારા તેમને વધુ સમય ફાળવવામાં આવે. સુખડવાલાની અરજી માન્ય રાખીને કોર્ટે હાર્દિકને પોલીસ કસ્ટડીમાં જ રાખવાનો નિર્ણય લીધો હતો.
૧૩૦૦ દિવસની રજા પાડનાર અધ્યાપિકાને સસ્પેન્ડ કરવા નિર્ણય 10/02/2016 6:24 am Khushali Dave યુનિવર્સિટીના રજિસ્ટ્રાર સહિત અનેક ઊઠાં ભણાવીને ૧૩૦૦ જેટલી રજા પાડનાર બાયોસાયન્સ ડિપાર્ટમેન્ટના મહિલા અધ્યાપિકા કૈલાસ પટેલને આખરે સસ્પેન્ડ કરી ડિપાર્ટમેન્ટ ઈન્કવાયરી હાથ ધરવાનો નિર્ણય લેવાયો છે.
શોર્ટ સર્કિટથી ફ્લેટ ભડકે બળ્યોઃ બેનાં મોત, ૪૦ વાહન ખાખ 10/02/2016 6:20 am Khushali Dave રાણીપ જીએસટી ક્રોસિંગ નજીક આવેલા સાંકેત એપાર્ટમેન્ટના ડી-બ્લોકના પાર્કિંગમાં ચોથી ફેબ્રુઆરીએ મોડી રાત્રે શોર્ટ સર્કિટને કારણે આગ લાગી હતી. આનાથી પાર્કિંગમાં પડેલા વાહનો સળગી ઉઠ્યા હતા અને જોતજોતામાં આગ લગભગ ચોથા માળ સુધી ફેલાઈ જતાં બીજા માળે રહેતા માતા અને પુત્રના દાઝી જવાથી મૃત્યુ પામ્યા હતા.
