• થેરેસાએ એક્ઝિક્યુટિવ્ઝના ઊંચા વેતનો ઘટાડવા જણાવ્યું 21/01/2017 5:57 am Achyut Sanghavi વડા પ્રધાન થેરેસા મેએ દાવોસમાં વૈશ્વિક બિઝનેસ અગ્રણીઓ સમક્ષ જણાવ્યું હતું કે તેમણે એક્ઝિક્યુટિવ્ઝના ઊંચા વેતનો ઘટાડવા જોઈએ અને ટેક્સ વધુ ચુકવવો જોઈએ. જો આમ નહિ કરાય તો લોકરંજનના ઉછાળાનો ભોગ બનવું પડશે તેવી ચેતવણી પણ આપી હતી. વર્લ્ડ ઈકોનોમિક ફોરમને સંબોધતાં થેરેસાએ કહ્યું હતું કે કામકાજ કરતા સામાન્ય લોકોની સરખામણીએ તેમના માટે અલગ નિયમો હોઈ શકે નહિ. મોટા બિઝનેસીસે ટેક્સમાં વધુ હિસ્સો આપવો, કર્મચારીઓ પ્રતિ જવાબદારી અને ફરજો ઓળખવી અને નાની કંપનીઓ સાથે યોગ્ય રીતે વેપાર કરવો જોઈએ.
• સેલ્ફીની ઘેલછાથી એનોરેક્સિયામાં વધારો 21/01/2017 5:57 am Achyut Sanghavi ટીનેજર્સમાં સેલ્ફીની વધેલી ઘેલછાથી ખોરાક ઓછો લેવાની મનોવૃત્તિ અને ખાવાની વિકૃતિઓ વધી હોવાની ચેતવણી ડાયેટ અને એક્સરસાઈઝ એક્સપર્ટ રોઝમેરી કોન્લીએ આપી છે. ડાયેટ ઈન્ડસ્ટ્રીને સેવા બદલ ૨૦૦૪ના ન્યુ યર્સ ઓનર્સમાં CBI એનાયત કરાયેલા મિસ કોન્લીએ કહ્યું હતું કે સેલ્ફી લેવાના ચિંતાજનક વળગણથી ઈટિંગ ડિસઓર્ડર્સમાં વધારો થાય છે. તંદુરસ્ત શરીર માટે ચરબીથી ભરપૂર નાસ્તો ટાળવો, દિવસમાં ત્રણ વખત ભોજન, ફળો અને શાકભાજીનો ભરપૂર ઉપયોગ, સુગર-ફ્રી ડ્રિન્ક્સ લેવા તેમજ આલ્કોહોલ થોડા પ્રમાણમાં લેવાય તે જરૂરી છે. NHS દ્વારા ૨૦૧૫માં જણાવાયું હતું કે ઈટિંગ ડિસઓર્ડર્સ સાથે હોસ્પિટલમાં દાખલ કરાતા ટીનેજર્સની સંખ્યા ત્રણ વર્ષમાં બમણી થઈ છે. ધ રોયલ કોલેજ ઓફ સાઈકિયાટ્રિસ્ટ્સે આ અભૂતપૂર્વ વધારા માટે દોષનો ટોપલો સોશિયલ મીડિયા પર ઢોળ્યો હતો.
• કેશ મશીન્સના ઉપયોગ માટે ચાર્જ લાગશે 21/01/2017 5:57 am Achyut Sanghavi બેન્કના કસ્ટમરોએ કેશ મશીન્સનો ઉપયોગ કરવા બદલ ચાર્જ ચુકવવો પડે તેવી શક્યતા છે. અત્યારે હજારો કેશ મશીન્સનો ઉપયોગ મફત થઈ શકે છે. સમગ્ર દેશમાં ૭૦,૦૦૦ કેશ મશીન્સને સાંકળતી લિન્ક નેટવર્કના ૩૯ સભ્ય તેમના ખર્ચામાં કાપ મૂકવાના ભારે દબાણ હેઠળ છે. તેમના ATMના ઉપયોગ માટે જે પી મળે છે તેના કરતા તેના સંચાલનમાં વધુ ખર્ચ આવે છે તેવી દલીલ સાથે તેમણે ચાર્જ વસુલવાની ધમકી આપી છે. બેન્કો અને ATM પ્રોવાઈડર્સે તેમના ગ્રાહકો હરીફ દ્વારા સંચાલિત ATM નો ઉપયોગ કરે ત્યારે એકબીજાને ઈન્ટરચેન્જ ફી ચૂકવે છે. આ ફીના પ્રમાણના વિવાદને ઉકેલવા એક બેઠક બોલાવાઈ છે.
Indian IT girl killed in 'hit-and-run' accident at Hounslow 23/01/2017 7:09 am Anand Pillai Himanshi Gupta, a promising IT analyst from Jabalpur (Madhya Pradesh, India), was killed and another colleague of hers suffered 'life-changing injuries' in an alleged hit-and-run crash on their morning commute.
