શાળામાં મોબાઈલ પર પ્રતિબંધ મૂકી વિદ્યાર્થીઓનું વર્તન સુધાર્યુ 23/01/2017 10:17 am Achyut Sanghavi ઓક્સફર્ડશાયરના હેન્લી-ઓન-થેમ્સ ખાતે શિપલેક કોલેજના હેડટીચર ગ્રેગ ડેવિસે શાળામાં મોબાઈલ પર પ્રતિબંધ લગાવી યુવાવર્ગને સોશિયલ મીડિયાના તણાવમાંથી મુક્ત કર્યા હતા. આના પરિણામે તેમના વર્તન અને વ્યવહારમાં પણ સુધારો આવ્યો છે. વાર્ષિક ૧૮,૦૦૦ પાઉન્ડની ફી ધરાવતી શાળામાં મોબાઈલ હેન્ડસેટ સાથે પકડાતા વિદ્યાર્થીને શાળા છૂટ્યા પછી પણ રોકી રખાય છે. પેરન્ટ્સ પણ આ પ્રતિબંધથી ખુશ જણાય છે.
બ્રિટનમાં માઈગ્રન્ટ્સને કતારમાં ઉભા રહેતા શીખવવાની જરૂર છે 23/01/2017 10:30 am Achyut Sanghavi આધુનિક બ્રિટનમાં માઈગ્રન્ટ્સને કતારમાં ઉભા રહેવાનું શીખવવાની જરૂર છે તેમ સરકારના ઈન્ટિગ્રેશન સંબંધિત સલાહકાર ડેમ લુઈ કેસીએ જણાવ્યું છે. તેમણે સાંસદોને જણાવ્યું હતું કે ઘણા માઈગ્રન્ટ્સ કેવી રીતે સારા થવું અને કચરાનો નિકાલ કેમ કરવો તે સહિત બ્રિટિશ જીવનની ‘પાયારૂપ હકીકતો’ સમજવામાં નિષ્ફળ ગયા છે. તેમણે કહ્યું હતું કે માઈગ્રન્ટ્સે બ્રિટિશ સમાજને આપવા કરતા વધુ તો મેળવ્યું છે.
