કેમરન સરકારમાં પ્રથમ ભારતીય મહિલા પ્રીતિ પટેલ એમ્પલોયમેન્ટ મિનિસ્ટર 12/05/2015 2:28 pm Achyut Sanghavi લંડનઃ કેમરન સરકારમાં નિયુક્ત થયેલ ૪૩ વર્ષીય એમ્પલોયમેન્ટ મિનિસ્ટર પ્રીતિ પટેલ એસેક્સના મતવિસ્તાર વિથામની બેઠક પરથી ૨૭,૧૨૩ મતોની સરસાઇ (૫૭.૫%) સાથે કન્ઝર્વેટીવ સાંસદ તરીકે વિજયી બન્યાં છે. તેમણે લેબર પાર્ટીના જ્હોન ક્લાર્ક અને UKIPના ગેરી કોક્રીલને ત્રણ ગણાં કરતાં પણ વધુ મતોથી હાર આપી છે. કેમરન સરકારમાં એકમાત્ર ભારતીય તરીકે સ્થાન મેળવનાર પ્રીતિ પટેલ વર્ક એન્ડ પેન્શન સેક્રેટરી ઇયાન ડન્કન સ્મિથના ડેપ્યુટી રહેશે. તેમની જવાબદારીમાં જોબ સીકર્સ એલાવન્સ અને યુવા બેરોજગારીનો સમાવેશ થાય છે. તેઓ કેબીનેટની બેઠકોમાં પણ હાજરી આપશે.
અમેરિકાએ ડબલ ઢોલકી વગાડીઃ પાક.ને વિમાન આપ્યા 07/05/2015 6:33 am Viren Vyas આતંકવાદ મુદ્દે અનેકવાર પાકિસ્તાનને સકંજામાં લેનાર અમેરિકા બીજી તરફ તેને વિવિધ સહાય કરી રહ્યું છે.
૨૦ વર્ષીય વિદ્યાર્થિની માહિરી બ્લેક સૌથી યુવાન સાંસદ 12/05/2015 2:33 pm Achyut Sanghavi લંડનઃ SNPની ૨૦ વર્ષીય વિદ્યાર્થિની ઉમેદવાર માહિરી બ્લેક ૧૬૬૭ પછી દેશની સૌથી યુવાન સાંસદ બનવાનું બહુમાન મેળવી ગઈ છે. મિસ બ્લેકે પેઈસ્લી એન્ડ રેન્ફ્રયુશાયર સાઉથ બેઠક પરથી લેબર પાર્ટીના માંધાતા અને પૂર્વ શેડો ફોરેન સેક્રેટરી ડગ્લાસ એલેકઝાન્ડરને પરાજિત કર્યા છે. ફૂટબોલ અને મ્યુઝિકની શોખીન માહિરી બ્લેક ગ્લાસગો યુનિવર્સિટીમાં ‘પોલિટિક્સ એનેડ પબ્લિક પોલિસી’ના ફાઈનલ વર્ષની સ્ટુડન્ટ છે.
ઉલ્ટો ચોર કોટવાળને દંડે, પાક.નો ભારત પર ત્રાસવાદ ફેલાવવાનો આરોપ 07/05/2015 6:42 am Viren Vyas ભારતમાં આતંકવાદ ફેલાવી રહેલ પાકિસ્તાને પ્રથમવાર જાહેરમાં ભારત પર આતંકવાદ ફેલાવવાનો આરોપ મુક્યો છે.
શેડો ચાન્સેલર એડ બોલ્સ માત્ર ૪૨૨ મતે પરાજિત 12/05/2015 2:38 pm Achyut Sanghavi લંડનઃ મોર્લે એન્ડ આઉટવૂડ સંસદીય મતક્ષેત્રમાં શેડો ચાન્સેલર એડ બોલ્સનો કન્ઝર્વેટિવ હરીફ આન્દ્રેઆ જેન્કીન્સના હાથે માત્ર ૪૨૨ મતે પરાજ્ય થયો છે. ૧૦ વર્ષ સુધી લેબર પાર્ટીના સાંસદ રહેલા અગ્રનેતા પક્ષનો વિજય થાય તો મિલિબેન્ડ સરકારમાં ચાન્સેલર બનવાની ખ્વાહિશ ધરાવતા હતા, પરંતુ હવે તેમની રાજકીય કારકિર્દી સમેટાઈ જાય તેવા સંજોગો ઉભાં થયા છે. એડ બોલ્સ ૧૧૦૧ની સરસાઈ ધરાવતા હતા ત્યારે તેમણે રીકાઉન્ટની માગણી કરી હતી.
ફ્રાન્સમાં પિતા-પુત્રી વચ્ચે સત્તા માટે લડાઈ 07/05/2015 6:47 am Viren Vyas મોટાભાગના દેશોમાં રાજકીય વારસો સંતાનોને મળતો હોય છે.
લેબર પાર્ટીમાં બર્નહામ અને ઉમન્ના વચ્ચે નેતાગીરીની સ્પર્ધા 12/05/2015 2:43 pm Achyut Sanghavi લંડનઃ ચૂંટણીમાં ઘોર પરાજયના પગલે લેબર પાર્ટીના નેતાપદેથી એડ મિલિબેન્ડના રાજીનામા પછી પૂર્વ હેલ્થ સેક્રેટરી એન્ડી બર્નહામ અને શેડો બિઝનેસ સેક્રેટરી ચુકા ઉમન્ના વચ્ચે સ્પર્ધા રહેવાની વકી છે. અન્ય સંભવિત ઉમેદવારોમાં શેડો હોમ સેક્રેટરી ઈવેટ કૂપર, પક્ષના પ્રવક્તા લિઝ કેન્ડાલ તેમજ બાર્નસ્લી સેન્ટ્રલના સાંસદ ડાન જાર્વિસનો પણ સમાવેશ થાય છે. જોકે, પત્નીના મૃત્યુ પછી પરિવારને સમય આપવાના કારણસર જાર્વિસે નેતાગીરીની સ્પર્ધામાં ઝૂકાવવાનો ઈનકાર કર્યો છે. તાજેતરના વર્ષોમાં મૌન રહેલા બ્લેરવાદીઓ મતદારોને પસંદ આવે તેવા ઓછાં ડાબેરી નેતાને આગળ કરી શકે છે. તેમણે વર્ષો પહેલા એડના ભાઈ ડેવિડ મિલિબેન્ડની તરફેણ કરી હતી.
ઓબામાના મોંઘા સલાહકારની સેવા માથે પડી 12/05/2015 2:48 pm Achyut Sanghavi લંડનઃ આ ચૂંટણીમાં વિજય ઈચ્છતી લેબર પાર્ટીએ યુએસ પ્રમુખ બરાક ઓબામાના સલાહકાર રહેલા અમેરિકન સ્ટ્રેટેજિસ્ટ ડેવિડ એક્સલરોડની સેવા લીધી હતી. એક્સલરોડને £૩૦૦,૦૦૦ જેટલી માતબર રકમ ચુકવાઈ હોવા છતાં ૧૮ મહિનામાં તેઓ ગણતરીનો સમય બ્રિટન આવ્યા હતા. તેમનું મુખ્ય કાર્ય નેતાઓની ટેલિવિઝન ચર્ચામાં મિલિબેન્ડે કેવો વ્યવહાર કરવો તેનું શિક્ષણ આપવાનું હતું. તેમણે મિલિબેન્ડને કેમેરાની સામે જ તાકીને જોવાની સલાહ આપી હતી, જેનાથી ઘણાં દર્શકો અકળાયાં હતાં. એક્સલરોડ તેમની શિકાગોની ઓફિસમાં બેસી આવી સલાહો આપતા હતા ત્યારે મિલિબેન્ડના રોજિંદા પ્રચારના વડા ડગ્લાસ એલેકઝાન્ડર તેમની બેઠક બચાવવા સ્કોટલેન્ડમાં વ્યસ્ત હતા, જ્યાંથી આખરે તેમનો પરાજય થયો હતો.
