આદુ પાક

સામગ્રીઃ આદુ ૧૦૦ ગ્રામ • ખાંડ ૨૦૦ ગ્રામ • દૂધ ૩૦૦ ગ્રામ • ઘી ૪ ટેબલસ્પૂન • સૂંઠ પાવડર ૨ ટેબલસ્પૂન • બદામ કતરણ ૧ ટેબલસ્પૂન

રીતઃ સૌથી પહેલા આદુને સરસ ધોઈને છીણી લેવું. હવે મિક્સી બાઉલમાં છીણેલું આદું, દૂધ, ખાંડ લઈને ક્રશ કરી મિશ્રણ તૈયાર કરો. હવે પેનમાં ૧ ટેબલસ્પૂન ઘી ગરમ કરીને તેમાં આ મિશ્રણ ઉમેરી સતત હલાવતા રહો. ૧૫-૨૦ મિનિટ સતત હલાવ્યા પછી ઘી છૂટું પડશે અને પેનની સાઇડ છોડશે. ત્યાર પછી જ ગેસ બંધ કરવો. હવે તરત જ તેમાં સૂંઠ પાવડર ઉમેરીને મીક્સ કરી લો. હવે મિશ્રણને ગ્રીસ કરેલી પ્લેટમાં પાથરીને ઉપર બાકી રહેલું ઘી રેડી દેવું. આ પછી તેના પર બદામની કતરણ પાથરી દો. ઠંડુ પડે પછી તેના પીસ કરી પ્લેટમાં લઈ સર્વ કરો.