આફોગાટો આઈસક્રીમ

સામગ્રીઃ આઈસક્રીમ ૨ સ્કૂપ • ચોકલેટ બાર - તમારા ટેસ્ટ અનુસાર • કોફી પાવડર – ૨ ચમચી

રીતઃ કાચના ગ્લાસમાં વેનિલા અથવા ઘરે બનાવેલા કોઈ પણ આઈસક્રીમના બે સ્કૂપ ભરો. તે પછી પીલરથી ચોકલેટ બારની પાતળી ચિપ્સ બનાવીને આઈસક્રીમ પર નાંખો. હવે નવશેકા ગરમ પાણીમાં કોફી પાવડર મિક્સ કરો. કોફી સ્ટ્રોંગ બનાવવાની હોવાથી ઈચ્છો તો વધુ એક ચમચી કોફી પાવડર મિક્સ કરી શકો છો. આ કોફીને આઈસક્રીમ પર રેડો, તેના પર થોડીક વધારે ચોકલેટ ચિપ્સ નાંખો અને તરત જ ખાવ. આફોગાટો ઈટાલિયન ડેઝર્ટ છે, જે માત્ર ત્રણ જ સામગ્રીમાંથી બનાવાય છે. જોકે તમે ઈચ્છો તો આમાં ડ્રાયફ્રૂટ્સના ટુકડા ઉપર ભભરાવી શકો છો.