કેરીનો જામ

સામગ્રીઃ ૧ કિલો તોતાપુરી કેરી • દોઢ કિલો ખાંડ • ૧ ટી-સ્પૂન કેસર • ૧ ટી-સ્પૂન એલચીનો ભૂકો • અડધા લીંબુનો રસ

રીતઃ કેરીને ધોઈ, છોલી મોટા કાણાંની છીણીથી છીણી લેવી. એક તપેલીમાં ખાંડ લઈ એ ડૂબે એટલું પાણી નાખીને તાપ પર મૂકો. ઊકળે એટલે લીંબુનો રસ નાખીને મેલ તરી આવે એ કાઢી લો. આ પછી એમાં છીણેલી કેરી નાખીને એને હલાવ્યા કરવું. કેસરને સાધારણ ગરમ કરીને થોડા પાણીમાં ઘૂંટીને અંદર નાખવું. છીણ બફાય અને ચાસણી અઢી તારી થાય એટલે એલચીનો ભૂકો નાખવો. તૈયાર છે કેરીનો જેમ.