ડિમેન્શિયાના દર્દીઓની તકલીફનો રંગબેરંગી ઉકેલ

ડિમેન્શિઆ (સ્મૃતિભ્રંશ)ના હોસ્પિટલાઇઝ્ડ દર્દીઓમાંથી અંદાજે ત્રીસેક ટકા દર્દીઓ ડિહાઇડ્રેટેશનની તકલીફથી પીડાતા હોય છે. શરીરમાં પાણીનું પ્રમાણ ઘટી જવાથી ઘણી વખત વયોવૃદ્વ દર્દીઓની હાલત ગંભીર થઇ જતી હોય છે. આ સ્થિતિ નિવારવા માટે લંડનની ઇમ્પિરિયલ કોલેજના ઇન્વેટર લુઇ હોન્બીએ દર્દીઓને હાઇડ્રેટ કરતી ગોળીઓ વિકસાવી છે. રંગબેરંગી અને જોવામાં આકર્ષક લાગતી આ ગોળીઓ વારંવાર પાણી પીવાનું કે લિક્વિડ ફૂડ લેવાનું ભૂલી જતાં દર્દીઓના શરીરમાં પાણીનું પ્રમાણ જાળવવામાં ઉપયોગી બનશે. જેલી ડ્રોપ નામની આ ગોળીઓ શુગર ફ્રી છે અને ૯૫ ટકા પાણી તથા જરૂરી ઇલેક્ટ્રોલાઇટ્સનો ઉપયોગ કરીને બનાવવામાં આવી છે.