દાદીમાનું વૈદુંઃ અનિદ્રા - ઊંઘ ન આવવી

• સૂતાં પહેલાં હાથપગ ધોઈ તાળવે અને કપાળે ઘી ઘસવાથી ઊંઘ આવે છે. • ચોથા ભાગનું જાયફળ પાણી સાથે લેવાથી ઊંઘ આવે છે. • કાંદાનું રાયતું રાત્રે ખાવાથી સરસ ઊંઘ આવે છે. • પીપરીમૂળના ચૂ્ર્ણની ફાકી લેવાથી અને પગે દિવેલ ઘસવાથી સારી ઊંઘ આવે છે. • ગોળ સાથે ગંઠોડાનું ચૂર્ણ ખાવાથી અને ઉપર ગરમ દૂધ પીવાથી ઊંધ આવે છે. • કુમળાં વેંગણને શેકી, મધમાં મેળવીને સૂતી વખતે લેવાથી સરસ ઊંઘ આવે છે. • વરિયાળી, દૂધ અને સાકરનું ઠંડુ સરબત પીવાથી ઊંઘ સારી આવે છે. • જાયફળ, પીપરીમૂળ તથા સાકર દૂધમાં નાખી ગરમ કરીને સૂતી વખતે પીવાથી સરસ ઊંઘ આવે છે. • બેથી ત્રણ ગ્રામ ખસખસ વાટીને સાકર અને મધ અથવા તો સાકર અને ઘી સાથે સૂતી વખતે લેવાથી ઊંઘ સરસ આવે છે. • ખૂબ વિચાર, વાયુ કે વૃદ્ધાવસ્થાને લીધે વાયુ વધી જવાથી રાતની ઊંઘ ઊડી જાય ત્યારે ગંઠોડાનું બે ગ્રામ ચૂર્ણ ગોળ અને ઘી સાથે ખાવાથી ઊંઘ આવી જાય છે.