૫૦ વર્ષથી નાની વયની મહિલાઓને મેલેનોમા સ્કિન કેન્સરનું વધુ જોખમ
એક નવા રિસર્ચમાં સામે આવ્યું છે કે વર્ષ ૨૦૪૦ સુધીમાં સૌથી ખતરનાક સ્કિન કેન્સરના દર્દીઓની સંખ્યા બમણી થઇ ગઇ જશે અને વિશ્વમાં તેના 68 ટકા દર્દીઓ બચી નહીં શકે. આ કેન્સરને મેલેનોમા કહે છે.
સિડનીઃ એક નવા રિસર્ચમાં સામે આવ્યું છે કે વર્ષ ૨૦૪૦ સુધીમાં સૌથી ખતરનાક સ્કિન કેન્સરના દર્દીઓની સંખ્યા બમણી થઇ ગઇ જશે અને વિશ્વમાં તેના 68 ટકા દર્દીઓ બચી નહીં શકે. આ કેન્સરને મેલેનોમા કહે છે.
સ્કિન કેન્સરના દર પાંચમાંથી એક દર્દી મેલેનોમાનો હોય છે. વિશ્વના મોટા ભાગના દેશોમાં મહિલાઓને 50 વર્ષની ઉંમર પહેલાં અને પુરુષોને 50 વર્ષની ઉંમર બાદ આ કેન્સર થવાનું જોખમ વધુ હોય છે. ડર્મેટોલોજી જર્નલમાં પ્રકાશિત રિસર્ચ મુજબ ઘણા આફ્રિકન અને એશિયન દેશોની સરખામણીમાં ઓસ્ટ્રેલિયામાં નવા દર્દીઓ ૩૬ ગણા વધારે જણાયા છે જ્યારે આ કેન્સરે ન્યૂઝીલેન્ડમાં સૌથી વધુ લોકોના જીવ લીધા છે. કેન્સર અંગે રિસર્ચ કરતી એક ઇન્ટરનેશનલ એજન્સીના અંદાજ મુજબ ૨૦૨૦માં મેલેનોમાના નવા ૩.૨૫ લાખ દર્દી સામે આવ્યા અને ૫૭ હજાર મોત થયાં.
આ જીવલેણ બીમારીથી બચવા માટે શરીરનો તડકા સાથે સીધો સંપર્ક ટાળવો જોઇએ. લેમ્પ સહિતનાં ઉપકરણોમાંથી નીકળતા અલ્ટ્રાવાયોલેટ કિરણોથી બચવું જોઇએ. આમ કરવાથી કેન્સર થવાનું જોખમ ઘટાડી શકાય છે.