ઈંગ્લેન્ડ સામે આફ્રિકાનો ૩૪૦ રને ભવ્ય વિજય

ટેન્ટ બ્રિજઃ સાઉથ આફ્રિકાએ યજમાન ઇંગ્લેન્ડને બીજી ટેસ્ટ મેચમાં ૩૪૦ રનથી કચડી નાખી ચાર ટેસ્ટ મેચની સિરીઝમાં ૧-૧ની બરાબરી કરી છે. પ્રથમ ઇનિંગમાં ૫૪ રન અને બીજી ઇનિંગમાં ૪૨ રન ઉપરાંત મેચમાં કુલ પાંચ વિકેટ ઝડપીને ઓલરાઉન્ડ દેખાવ કરતાં ફિલાન્ડર મેન ઓફ ધ મેચ થયો હતો. ઇંગ્લેન્ડે લોર્ડ્સમાં છથી નવ જુલાઈ દરમિયાન રમાયેલી પ્રથમ ટેસ્ટમાં ૨૧૧ રને વિજય મેળવ્યો હતો. બન્ને વચ્ચે સિરીઝની ત્રીજી ટેસ્ટ ૨૭મી જુલાઈથી શરૂ થશે.