થાઈલેન્ડ ઓપનમાં પ્રણિત ચેમ્પિયન

બેંગકોકઃ ભારતનો બેડમિન્ટન ખેલાડી બી. સાઇ પ્રણિત થાઇલેન્ડ ઓપનમાં ચેમ્પિયન બન્યો છે. ટૂર્નામેન્ટમાં ત્રીજા ક્રમાંકિત પ્રણિતે મેન્સ સિંગલ્સની ફાઇનલમાં ઇન્ડોનેશિયાના જોનાથન ક્રિસ્ટીને સંઘર્ષપૂર્ણ મુકાબલામાં ૧૭-૨૧, ૨૧-૧૮, ૨૧-૧૯થી હરાવી સુપર સિરીઝનું ટાઇટલ જીત્યું હતું. પ્રણિત પ્રથમ વખત થાઇલેન્ડ ગ્રા-પ્રિ ગોલ્ડ ટાઇટલ જીતવામાં સફળ રહ્યો છે. પ્રણિત માટે ફાઇનલ મુકાબલો આસાન રહ્યો હતો. ફાઇનલમાં તેની શરૂઆત સારી હતી, પણ પ્રથમ સેટ ૧૭-૨૧થી ગુમાવ્યો હતો. જોકે પ્રણિતે બીજા સેટમાં શાનદાર પુનરાગમન કરતા ૨૧-૧૮થી સેટ જીતી લીધો હતો અને સ્કોર ૧-૧થી બરાબરી કર્યો હતો. આ પછી ત્રીજા અને નિર્ણાયક મુકાબલામાં પણ પ્રણિતે પ્રભાવશાળી પ્રદર્શન કરતા ૨૧-૧૯થી સેટ જીતી લીધો હતો. સાથે તેણે મુકાબલો પણ પોતાના નામે કર્યો હતો. પ્રણિત પોતાની કારકિર્દીમાં પ્રથમ સુપર સિરીઝ ટાઇટલ ૨૦૧૬માં જીત્યો હતો. તેણે કેનેડા ઓપન ગ્રા-પ્રિ ટૂર્નામેન્ટ પોતાના નામે કર્યું હતું. આ પછી તેણે સિંગાપોર ઓપન ટાઇટલ પણ જીત્યું હતું.