સાઉધમ્પ્ટનમાં નદી વચ્ચેના પટમાં રમાય છે ક્રિકેટ

ક્રિકેટ મેચ તો વિશ્વના અનેક દેશોમાં રમાય છે, પરંતુ અહીં સાઉધમ્પ્ટનમાં રમાતી ક્રિકેટ મેચ અનોખી છે. અહીં નદીની વચ્ચે રેતીના પટમાં ક્રિકેટ રમાય છે. મેડિના નદીના ‘બ્રેમ્બલ બેન્ક’ની રેતીમાં યોજાતી આ મેચમાં બે યોટ ક્લબની ટીમોના ખેલાડીઓ ભાગ લે છે. અલગ રીતે રમાતી આ ક્રિકેટ મેચને જોવા માટે મોટી સંખ્યામાં ક્રિકેટ ચાહકો આવે છે. તેમાં રોયલ સધર્ન યોટ ક્લબની ટીમ આઈલેન્ડ સેલિંગ ક્લબની ટીમ સામે રમે છે. આ વખતે રોયલ સધર્ન યોટ ક્લબની ટીમે જીત મેળવી છે. આ ક્રિકેટ મેચ માત્ર અડધી કલાક રમાય છે અને કિનારે જ્યારે પાણીનું સ્તર ઓછું હોય ત્યારે જ મેચ રમાય છે. એવું માનવામાં આવે છે કે આ મેચનું આયોજન ૧૯૫૦માં પહેલી વાર થયું હતું. ત્યાર બોટ બનાવનાર કંપનીએ ફ્રેન્ડલી મેચનું આયોજન રાખ્યું હતું. આ મેચ દર વર્ષે રમાય છે. ગત વર્ષે કોરોનાને કારણે આ મેચનું આયોજન થઈ શક્યું ન હતું, આથી તમે કહી શકો કે સાત દસકાથી તો અહીં મેચ રમાઇ જ રહી છે.